1446 йил 9 зулқаъда | 2025 йил 06 май, сешанба
Минтақа:
Тошкент
ЎЗ UZ RU EN
Мўминларга эслатма

Тилимизни Аллоҳнинг зикри билан машғул қилсак...

15:31 / 25.10.2022 1755 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Тилимиз жаннат неъматларига қовуштирувчи бир восита ва Аллоҳ таолонинг бизга берган буюк неъмати ҳисобланади. Агар тилимизни зикрлар билан машғул қилсак, Аллоҳнинг розилигини қозонишимизга ва охиратда буюк даражаларга эришишимизга сабабчи бўлади. Истиғфор, салавоти шариф, тасбеҳ ва Қуръон ўқиш билан машғул бўлсак, охиратимиз учун заҳира тайёрлаган бўламиз. Агар тилимизни фойдасиз, беҳуда гаплар билан машғул қилсак, икки дунёмиз учун зарар қилган бўламиз. Зикр қилиб жаннатда буюк даражаларга, бебаҳо ҳазиналарга эга бўлишимиз мумкин бўлсаю, биз тилимизни фойдасиз гап-сўзлар билан машғул қилиб, ўзимизни бу неъматлардан маҳрум қилишимиз аҳмоқлик эмасми? Фойдасиз, беҳуда  гап-сўзлардан узоқлашиб, қийматли вақтимизни Аллоҳ розилиги учун сарфласак, икки дунёмиз учун хайрли бўлади.

Зеро, улуғларимиз «Кам гап ҳикматдир, Роббимиздан неъматдир» деб бежизга айтишмаган. Ҳадиси шарифда ҳам Расулуллоҳ соллаллоҳу алайҳи васаллам:

«Бефойда нарсаларни тарк қилиш, киши Исломининг чиройидандир», деганлар.

Имом Термизий ривояти.

«Одам боласининг барча гапи унинг зиддигадир. Унинг фойдасига эмас. Илло, амри маъруф, наҳйи мункар ва Аллоҳ таолонинг зикри бундан мустасно», деганлар».

Термизий ва Ибн Можа ривоят қилишган.

Аллоҳ охиратда тилимиз зараримиз учун гувоҳлик беришидан ва ғазабига сабабчи бўлишидан Ўзи асрасин.

Муҳаммад Али Муҳаммад Юсуф

Муаллиф
Муҳаммад Али Муҳаммад Юсуф
Манба
islom.uz
Мавзуга оид мақолалар
23 ёшли, оёқлари туғма шoл, 23 йил ногиронлар аравачасида юрган бир бола қабулимга келди. Орқасига йирингли яра тошган экан. Яраларига игна ёрдамида дори қўйдим, бир давоми...

5211 09:30 / 08.03.2024
Бир хунук юзли, лекин зукко одам соҳибжамол, лекин нодон бир аёлга совчи бўлибди. Ҳеч кимнинг маломатига қарамабди. Унинг бор умиди ўша аёлга уйланиб, фарзанд давоми...

4035 17:00 / 27.04.2022
Маккага қадам қўйганимдан бери Пайғамбаримиз соллаллоҳу алайҳи васалламнинг сиймолари хаёлимдан кетмади. Хаёлимда у зот соллаллоҳу алайҳи васалламнинг давоми...

2340 11:00 / 20.02.2021
Ҳаёт жуда ғаройиб. Ҳеч нарсасиз келамиз. Сўнг ҳамма нарса учун курашамиз. Кейин ҳамма нарсани тарк этиб, ҳеч нарсасиз кетамиз. Нажиб Маҳфуз Ёмонлик қилиш давоми...

986 10:16 / 03 апрель