1446 йил 22 Рамазон | 2025 йил 22 март, шанба
Минтақа:
Тошкент
ЎЗ UZ RU EN
Янгиликлар

Тошкент ислом институтида қайта тиклаш ва диплом олиш бўйича оффлайн режимда аризалар қабул қилинади

13:32 / 13.07.2022 1264 pdf Ўқиш режими + -

Ўзбекистон мусулмонлари идораси тасарруфидаги Тошкент ислом институтидан турли сабабларга кўра ўқишдан четлатилган ва узоқ йиллар олдин диний таълим муассасасини тамомлаб, диплом олмаган фуқаролардан 2022 йил 15 июлдан 5 августга қадар ўқишга қайта тиклаш ва диплом олиш бўйича оффлайн режимда аризалар қабул қилинади.

Тошкент ислом институтидан турли сабабларга кўра ўқишдан четлатилган ва узоқ йиллар олдин диний таълим муассасасини тамомлаб, диплом олмаган шахслар Тошкент ислом институтига келиб, қабул ҳайъатига ўқишга қайта тиклаш бўйича қуйидаги ҳужжатларни тақдим этадилар:

- институт ректори номига ариза;

- ўқиган давридаги рейтинг дафтарчаси нусхаси;

- паспорт нусхаси (асли кўрсатилади).

Зарур ҳолларда қўшимча равишда қуйидаги ҳужжатлар талаб этилади:

Тошкент ислом институти томонидан берилган маълумотнома (фақат ўқишни тугатиб, диплом олмаганларга берилган);

Фуқароларнинг ўзини қўлида мавжуд бўлган (ўқиганини тасдиқловчи) асосли бошқа ҳужжатлар.

Эслатма

Тошкент ислом институти кўриб чиққан ва етарли асосга эга бўлган ҳужжатларни Ўзбекистон мусулмонлари идорасининг Махсус комиссиясига тақдим этади. Ўз навбатида Махсус комиссия аризаларни 10 августдан 25 августга қадар кўриб чиқади ва тегишли қарор қабул қилади.

Ўқишдан четлатилганлигига 5 йилдан ортиқ муддат бўлган шахснинг ўқиган давридаги фанлар билан амалдаги ўқув режадаги фанлар бўйича фарқлар 4 тадан ошган тақдирда Ўзбекистон мусулмонлари идорасининг Махсус комиссияси бир семестр ёки бир курс пастга қайта тиклаш бўйича қарор қабул қилади.

Фуқароларнинг ўқиган даври учун ўқув шаклидан қатъи назар, талабалар сафига қайта тиклаш кундузги таълим шаклига тўлов-контракт асосида рухсат этилади.

Ўқишини қайта тиклаш жараёнида мавжуд архив ҳужжатлар тўлиқ бўлмаган, уларга ўзгартиришлар киритилган ва маълумотлар ўрнатилган тартибда тасдиқланмаган ҳолатларда фуқаролар мурожаати рад этилади.

Мурожаат учун телефон: (71) 240-03-58, (99) 004-55-51

Тошкент ислом институти қабул ҳайъати иш вақти:

Душанбадан шанбагача. Соат: 9:00 – 17:00. Тушлик: 12:30 – 14:00. Якшанба дам олиш куни.

Тошкент ислом институти қабул ҳайъати манзили: Тошкент шаҳар, Олмазор тумани, Зарқайнар 18-берк кўча, 47-уй.

Манба: oliymahad.uz

Манба
oliymahad.uz
Мавзуга оид мақолалар
Ўзбекистон мусулмонлари идораси Фатво ҳайъатининг 2020 йилги фитр садақа ва фидя миқдори бўйича қарори қабул қилинди.Маълумки, фитр садақаси моли закот нисобига давоми...

2478 14:55 / 23.04.2020
Бу ҳақда Президент матбуот котиби Шерзод Асадов анъанавий брифингда маълум қилди. Жорий йилнинг 1718 август кунлари Президент Шавкат Мирзиёев икки Муқаддас масжид давоми...

1499 10:56 / 15.08.2022
2022 йил 10 август, чоршанба куни соат 1500 да .Hilol nashr, нашриётининг мажлислар залида таниқли ёш олимларимиздан Маҳмуд Усмон билан .Фиқҳнинг кундалик ҳаётимиздаги ўрни, давоми...

2747 23:23 / 05.08.2022
Тошкент давлат шарқшунослик университети олими, профессор Шорустам Шомусаров Бутунжаҳон араб тили иттифоқи Марказий кенгаши аъзолигига Марказий Осиё давоми...

1898 17:00 / 12.02.2021