1446 йил 3 зулқаъда | 2025 йил 30 апрель, чоршанба
Минтақа:
ЎЗ UZ RU EN
Мақолалар

Дин ва дунё

17:00 / 27.06.2022 2081 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Баъзи ўринларда Ислом моҳиятини тўла англаб етмаган, унинг асли қолиб, қора фонда кўрсатилган чизгиларидан таъсирланган исоломофоблар бу муқаддас дин ва дунёни бир-бирига тескари қўйишга ҳаракат қилишади.

Аслида-чи?

Дин бу Аллоҳ ва бандаси ўртасидаги муносабат. Одамзод яралибдики, қандайдир ички туйғу ўз устидан ҳукмронлик қиладиган қандайдир илоҳий куч борлигини таъкидлаб келган. Ҳатто, ўзини «тоза» атеист санайдиган кимсада ҳам Аллоҳнинг мавжудлиги ҳақида аллақандай иккиланиш бўлади.

Хуллас, узоқ йиллар мобайнида Аллоҳ ўз борлигини турли элчилари орқали маълум қилиб келди. Натижада, бир қатор динлар шаклланди. Бироқ, уларнинг аксарияти асл моҳиятидан узоқлашиб, дин атрофидаги одамларнинг шахсий қарашлари билан тўлдирилди. Натижада, жаҳолат ва мутаассиблик авж олиб кетди.

Сўнгра, Аллоҳнинг ўзи Қиёматга қадар ўзгаришсиз қолишини ваъда қилган дин бу дунёга туширилди. Исломнинг асл мақсади инсонларни икки дунё саодатига етказиш. Эътибор беринг: икки дунё. Фақат нариги дунё учун бу дунёдан ёки бу дунё учун наригисидан кеч, дейилмади. Зотан, Ислом мўтадиллик мезонида шаклланган.

Агар қаердадир Ислом бўлиб, бу дунёси обод бўлмаётган бўлса, демак у ерда нимадир хато ишлаяпти, демак у ерда асл Ислом йўқ. Бугун атеистлар оғизларини кўпиртириб, қолоқлиги иддао қилинаётган Ислом ўлкалари асл моҳиятдан узоқлашиб, жаҳолатга ботганлиги сабаб шу кўйга тушмоқда.

Бугун Исломга тош отаётганлар мусулмонлар Андалусиясини унутган кўринишади. Мен ҳозир Исломнинг жаҳон тараққиётидаги ўрнини айтиб ўтирмоқчи эмасман. Қизиқувчилар @Islommerosi каналида батафсил билиб олиши мумкин.

Хуллас, соқолчани қўйиб олиб, ҳар жума масжидга чиқиб, пировардида билганини еб юрган билан одам асл мусулмон бўлиб қолмайди. Ёки ҳижобни ўраб олиб, иккита оятни айтиб беролмай, қўлидан уммат учун манфаатли ҳеч иш келмай, паналарда асл башарани ошкор қилиш муслималикни англатмайди.

Укаларим, сингилларим! Ўқинг! Икки дунёнгизни обод қилиш учун ҳам ўқинг. Ихтилофлардан қочинг. Умрингизни бекорчи нарсаларга сарфламанг. Ибодатингиз ёнида илм ҳам юрсин. Зотан, бугун мусулмонлар ҳар қачонгидан ҳам илмга муҳтож.

Девонайи Ҳақгўй телеграм каналидан олинди

Манба
islom.uz
Мавзуга оид мақолалар
Назр ибн Исмоил айтади .Бир жанозада Умар ибн Заррни кўриб қолдим. Атрофини одамлар ўраб олишган эди. Маййит қабрга қўйилганда Умарнинг кўзи ёшланди. Сўнгра давоми...

1570 08:00 / 18.11.2019
Каъб ибн Молик розияллоҳу анҳудан ривоят қилинади.Набий соллаллоҳу алайҳи васаллам.Кишининг мол ва шуҳратга бўлган ҳирси унинг дини учун қўйлар ичига қўйиб давоми...

2034 09:25 / 18.06.2019
Унинг жуссаси жуда катта бўлади. Худоликни даъво қилади. Шунинг учун Дажжолнинг гавдаси катта бўлишига қарамай, ожизлиги ва кўзидаги нуқсонга ишора қилиб, Набий давоми...

5287 21:01 / 14.11.2018
Банда бир кун келиб кексайиши бор гап. Аммо кексайиш билан кексайишнинг орасида фарқ бор. Энг яхши кексайиш яхшилик билан яшаб, яхшилик қилиб юриб кексайишдир. давоми...

4145 10:30 / 30.06.2019