1443 йил 18 шаввол | 2022 йил 19 май, пайшанба
Минтақа:
ЎЗ UZ RU EN
Мўминларга эслатма

Шу нуқта ичида гуноҳ қиламизми?

12:55 / 11 январь 1315 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ушбу сурат Сатурн сайёраси тарафидан туриб олинган. Ҳов анави кўриниб турган ўнг тарафдаги оқ нуқта Ой, чап тарафдаги мовий нуқта 7 миллиарддан ортиқ одам яшайдиган бизнинг сайёрамиз Ер.

Тўфон, цунами, зилзила, ёнғин, вулқон отилиши, самолётнинг ҳалокатга учраши, бўрон бўлиши, қор кўчиши, тупроқ ўпирилиши, илон чақиши, тимсоҳ еб қўйиши ва ҳоказо фалокатлар шу нуқтанинг ичида бўлган ва бўлмоқда.

У ерда одамлар туғиладилар, кексаядилар, ўладилар, ейдилар, ичадилар, ухлайдилар, турли соҳаларда мусобақалашадилар, бир-бирлари билан урушиб, ғалаба қозонадилар, мағлуб бўладилар.

Одамлар шу мовий нуқтадек жойда бой инсон, обрўли инсон, раҳбар инсон ва ҳоказо бўлиш учун бир-бирларини алдаб, хиёнат қилиб, бўҳтон қилиб юрибдилар.

Айрим мутасаддилар шу нуқтанинг ичида турволиб, солиқ тўловчи халқнинг мулкини, таълимга, соғлиқни сақлашга, иқтисодиётга, қурилишга ва бошқа соҳаларга ажратилган пулларни ўз жиғилдонига уришга уриниб, талон-тарож қилиб ётибдилар.

Улар Аллоҳ таолодан қўрқмай, бу дунё вақтинчалигини унутиб, қиёмат куни бошқа нуқталар қатори бу нуқтанинг ҳам йўқ бўлиб кетишини эсдан чиқариб жиноятнинг турли кўчаларига қўл урмоқдалар.

Порахўрлик, судхўрлик, коррупция, ўғрилик, зино, беҳаёлик, эр-хотиннинг бир-бирига хиёнати, лаганбардорлик, ялтоқилик, одамларга зулм қилиш, қамаш, уриб ўлдириш, қийноқ, ижтимоий тармоқларда беҳаёликни тарғиб этиш, айрим мутасаддилар томонидан куракда турмайдиган баҳона-важларни гапириб қовун тушириш ва ҳоказо қилғилиқлар шу нуқта ичида содир бўляпти.

Барчамиз, шу нуқтадек сайёрамиз билан бирга Роҳманнинг қабзасидамиз. Аллоҳ таоло Қуръони Каримда биз бандаларини бировнинг ҳаққини ейишдан қайтариб шундай марҳамат қилган:

وَلَا تَأْكُلُوا أَمْوَالَكُم بَيْنَكُم بِالْبَاطِلِ وَتُدْلُوا بِهَا إِلَى الْحُكَّامِ لِتَأْكُلُوا فَرِيقًا مِّنْ أَمْوَالِ النَّاسِ بِالْإِثْمِ وَأَنتُمْ تَعْلَمُونَ

 

“Бир-бирларингизнинг молларингизни ботил йўл билан еманг. Билиб туриб, одамларнинг молларидан бир қисмини гуноҳ ила ейишингиз учун уни ҳокимларга ташламанг” (Бақара сураси, 188-оят)

Меҳрибон Роббимиз барчамизга раҳм қилсин ва ҳолимизни ислоҳ этсин!

Нозимжон Ҳошимжон тайёрлади

Муаллиф
Нозимжон Ҳошимжон
Манба
islom.uz
Мавзуга оид мақолалар
Молик ибн Назла розияллоҳу анҳу Набий соллаллоҳу алайҳи васалламнинг ҳузурларига эски кийимда келди. Набий соллаллоҳу алайҳи васаллам ундан сўрадиларМолинг давоми...

1000 17:00 / 23 март
Бу шунчаки дарахт эмас, бу одамлар учун сабоқ.Ушбу дарахт Венгриядаги Бюкк тоғ тизмасида йўл бўйлаб ўсади. Кўп йиллар олдин кимдир ингичка шохнинг пастки қисмини давоми...

1530 18:30 / 21.05.2021
Бу расмнинг нима эканлигини биласизмиРасмда тахминан 15 мингта галакатика бор. Хаббл телескопи орқали олинган фото. Тасаввур қиляпсизми, 15 мингта галактика Шу давоми...

1941 14:00 / 04 апрель
Ибнул Қоййим роҳимаҳуллоҳ ўзининг .Мифтоҳу дорус саодати, номли китобида айтади.Олимлардан бири бир гуруҳ савдогарлар билан кемага минди. Денгиз ўртасига бориб давоми...

1577 13:05 / 03 март
Аудиолар

82754 11:58 / 10.10.2018
«Ҳилол» журнали
Китоблар

12690 14:35 / 11.08.2021
Топ рейтинг www.uz Openstat