Илтижо...
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Расули карим қабрлари олдида ҳаёдан бошимни эгган кўйи туриб қолдим. Ичимдан қуйидаги сўзлар қочиб чиқа бошлади:
«Сиз Раббингиздан етказишни дўндирдингиз, биз дўндиролмадик. Умматингизга насиҳатни уддаладингиз, биз насиҳат қилолмадик. Китобингизни қувват-ла кўтардингиз, биз кўтаролмадик. Ҳаққа нусрат бердингиз, биз эплолмадик.
Баъзимиз соқол билан кифояландик ва суннат шу дедик. Бошқамиз эса жилбобини калталатди, амрингиз шу деди. Диндан пўстлоғи билан, жиҳоддан кўриниши билан кифояланишди ва ўзлари ҳам ўтиришди, бизни ҳам ўтқизишди.
Елкаларимизга пасткаш-тубанлар жоҳилу онги ўтмаслар минишди ва қонларимиз тўкишди, ерларимиз ўзлаштиришди, бирлигимиз бузишди.
Ё оламлар шафоатгўйи, ё заиф ва синиқлар ҳомийси, Раббингиз ҳузурида бизни шафоат қилинг!
Шояд У бизни кечириб, рози бўлса! Зеро Унинг шафоатига фақат эшигингиздан ўтамиз ва Унга яқинликка фақат меҳробингиздан эришамиз. Бизга тун узоқ ва ҳолимиз вой бўлмаслигини сўраб беринг, ё Расули акрам!
Аллоҳнинг салавот ва саломи сизга бўлсин, ё Муҳаммад соллаллоҳу алайҳи васаллам!
Мустафо Маҳмуднинг «Нурли эрта» китоби асосида тайёрланди
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
