“Араб тили билимдони – 2021” кўрик-танловининг республика босқичи ўтказилди
Бугун, 11 ноябрь куни Тошкент шаҳридаги “Шайх Муҳаммад Содиқ Муҳаммад Юсуф” мажмуасида имом-хатиблар ўртасида “Араб тили билимдони – 2021” кўрик-танловининг республика босқичи ўтказилди.
Танловни Ўзбекистон мусулмонлари идораси матбуот хизмати ходими Абдуқаййум домла Исмоилов олиб борди.
Қизғин баҳсга бой бўлган танлов натижаларини ҳакамлар ҳайъати баҳолаб борди. Унга кўра қуйидаги имом-хатиблар танлов ғолиблари деб топилди:
1-ўрин – Фарғона вилояти Қувасой шаҳридаги "Тошмозор" масжиди имом-хатиби Мирзақосим домла Саидмирзаев;
2-ўрин – Тошкент вилояти Тошкент туманидаги "Эшонхўжа ота" масжиди имом-хатиби Авазхўжа домла Баҳрамов;
3-ўрин – Андижон вилояти Андижон шаҳридаги "Бобо-Таваккул" масжиди имом-хатиби Нодирбек домла Кенжаев.
Танлов ғолибларига диплом ва совринлар, қолган иштирокчиларга ҳам эсталик совғалар топширилди.
Танлов ғолиб ва иштирокчиларига “Вақф” фонди, “Шамсуддинхон Бобохонов” НМИУ ва “Шайх Муҳаммад Содиқ Муҳаммад Юсуф” масжидининг совғалари топширилди.
Барча ғолибларни муборакбод этамиз!
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
