Уламолар Самарқанд вилоятида муҳтожлар ҳолидан хабар олдилар
Уламоларнинг Самарқанд вилоятига ташрифи мўмин-мусулмонларга маънавий туҳфа бўлмоқда. Бугун 24 июль куни бир гуруҳ уламолардан таркиб топган тарғибот гуруҳи Самарқанд вилоятининг бир нечта туманларига ташриф буюришди.
Жумладан, Пахтачи тумани имом-хатиби Исроил домла Амриллаев, Тошкент шаҳар «Минор» масжиди имом-хатиби Фозилжон домла Убайдуллаев, Тошкент шаҳар Чилонзор тумани бош имом-хатиби Эргашали домла Рустамов, «Шайх Муҳаммад Содиқ Муҳаммад Юсуф» жоме масжиди имом-хатиби Исмоилжон домла Муҳаммад Содиқ ҳамда «Сирож Солиҳ» жоме масжиди имом-хатиби Ҳасан домла Қодировлар муҳтож, кам таъминланган хонадонларга ташриф буюришди. Ташриф чоғида ҳақдорларга «ВАҚФ» хайрия жамоат фондининг совғалари топширилди.
Шунингдек, Тошкент шаҳар бош имом-хатиби ўринбосари Абдуқаҳҳор домла Юнусов, Самарқанд шаҳар «Руҳобод» жоме масжиди имом-хатиби Т.Амиров ҳамроҳлигида вилоятнинг Нарпай туманида бўлишиб, аҳолининг ижтимоий кўмакка муҳтож вакиллари ҳолидан хабар олишди ва уларга ҳам «Вақф» хайрия жамоат фондининг совғалари топширилди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
