Саудия Арабистони Малайзия учун ҳаж квотасини кўпайтиради
Саудия Арабистони Жануби-Шарқий Осиё учун йиллик ҳаж квотасини 10 минг кишига кўпайтирди. Бу ҳақда Малайзия расмийларига таяниб, islam.ru манбаси хабар беради. Ҳаж квотаси тўғрисидаги қарорни бош вазир Муҳиддин Яссин Ар Риёдга қилган ташрифидан кейин мамнуният билан қабул қилди.
Муҳиддин Яссин чоршанба куни қиролликка қилган тўрт кунлик ташрифини якунлади. Ар Риёддаги ташриф якунида бош вазир Муҳиддин Яссин валиаҳд шаҳзода Муҳаммад бин Салмон билан учрашди. Малайзия журналистларига берган интервьюсида бош вазир шаҳзода Муҳаммад бин Салмонга квотани оширишни айтган.
Бугунги кунда 32 миллион аҳолиси бўлган мамлакатнинг 60 фоизини мусулмонлар ташкил этади. Ҳозирда Ҳаж квотаси 31600 кишидан иборат.
Муҳиддиннинг таъкидлашича, оширилган ҳаж ибодатига бориш квотаси, коронавирус пандемияси бартараф этилгандан кейин қўлланилади.
Шунингдек, Малайзия Ҳаж зиёратчилари жамғармаси (ТҲ) Кенгаши Қиролликнинг қарорини юқори баҳоламоқда. Бош вазирнинг саъй-ҳаракатлари малайзияликларнинг ҳажга боришини тезлаштирилишига, вақтдан унумли фойдаланишга бир сўз билан айтганда, уларга кўпроқ имкониятлар тақдим этади.
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
