1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
Тафсир

Ҳамма иш ягона Аллоҳнинг қўлида

17:00 / 28.01.2021 3552 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

لاَّ يَتَّخِذِ الْمُؤْمِنُونَ الْكَافِرِينَ أَوْلِيَاء مِن دُوْنِ الْمُؤْمِنِينَ وَمَن يَفْعَلْ ذَلِكَ فَلَيْسَ مِنَ اللّهِ فِي شَيْءٍ إِلاَّ أَن تَتَّقُواْ مِنْهُمْ تُقَاةً وَيُحَذِّرُكُمُ اللّهُ نَفْسَهُ وَإِلَى اللّهِ الْمَصِيرُ۝

«Мўминлар мўминларни қўйиб, кофирларни ўзларига дўст тутмасинлар. Ким буни қилса, бас, у Аллоҳ(дўстлиги)дан ҳеч нарсада йўқдир. Магар улардан қўрқиб, сақлансангиз, майли. Аллоҳ сизларни Ўзидан огоҳлантирур. Ва сўнгги қайтиш фақат Аллоҳгадир». (Оли Имрон сураси, 28-оят)

Яратувчи – ягона Аллоҳнинг Ўзи. Ҳамма иш ягона Аллоҳнинг қўлида. Мулк берувчи ҳам ягона Аллоҳ, ризқ берувчи ҳам ягона Аллоҳнинг Ўзи. Бутун оламнинг тадбирини қилувчи ҳам ягона Аллоҳнинг Ўзи. Аллоҳ таоло ушбу оятда мўминларга қарата:

«Мўминлар мўминларни қўйиб, кофирларни ўзларига дўст тутмасинлар», – деб фармон қилмоқда.

«Ким буни қилса, бас, у Аллоҳ(дўстлиги)дан ҳеч нарсада йўқдир», дегани «Аллоҳга ҳеч қандай алоқаси йўқ» деганидир.

Исломда бошқа диндагилар билан яхши алоқада бўлишга рухсат бор. Лекин дўст тутиш, ҳамма нарсани кофирга ишониб, топшириб қўйиш мумкин эмас.

Фақат бир ҳолатдагина, истисно тариқасида, юзаки равишда ўзини кофирга дўст қилиб кўрсатиши мумкин:

«Магар улардан қўрқиб, сақлансангиз, майли».

Бундай тасарруф «тақийя» деб аталади. Тақийяда ўзини сиртдан дўст қилиб кўрсатиб, жонни, молни ва номусни душманлардан сақлаб қолишга ҳаракат қилинади.

«Аллоҳ сизларни Ўзидан огоҳлантирур. Ва сўнгги қайтиш фақат Аллоҳгадир».

Аллоҳга тақво қилганлар ва Унинг азобидан огоҳ бўлганлар доимо ютуққа эришадилар. Хусусан, Аллоҳнинг ҳузурига қайтиб борганда нажот топишлари аниқ.

Кейинги оят ушбу огоҳлантиришни яна давом эттириб, Аллоҳ доимо бандани кузатиб туришини таъкидлайди:

 قُلْ إِن تُخْفُواْ مَا فِي صُدُورِكُمْ أَوْ تُبْدُوهُ يَعْلَمْهُ اللّهُ وَيَعْلَمُ مَا فِي السَّمَاوَاتِ وَمَا فِي الأرْضِ وَاللّهُ عَلَى كُلِّ شَيْءٍ قَدِيرٌ۝

Айт: «Агар кўксларингиздаги нарсани махфий тутсангиз ҳам, ошкор қилсангиз ҳам Аллоҳ биладир. У осмонлардаги нарсаларни ҳам, ердаги нарсаларни ҳам биладир. Аллоҳ ҳар бир нарсага ўта қодирдир». (Оли Имрон сураси, 29-оят).

Ояти карима Аллоҳ таоло бандаларининг барча ишларидан очиқ-ойдин хабардор эканини шубҳага ҳеч ўрин қўймайдиган даражада баён қилмоқда:

«Агар кўксларингиздаги нарсани махфий тутсангиз ҳам, ошкор қилсангиз ҳам Аллоҳ биладир. У осмонлардаги нарсаларни ҳам, ердаги нарсаларни ҳам биладир».

Жумладан, ким махфий равишда кофирларни дўст тутса ҳам билади. Билганидан сўнг албатта унинг жазосини беради. Чунки:

«Аллоҳ ҳар бир нарсага ўта қодирдир».

Агар баъзи бир ҳикматга биноан, гуноҳкорни бу дунёда жазоламаса ҳам, у дунёда албатта жазолайди.

 

«Тафсири Ҳилол» китоби асосида тайёрланди

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Аллоҳ таоло Нисо сурасида шундай марҳамат қилади Бас, улардан юз ўгир ва Аллоҳга таваккул қил. Вакилликка Аллоҳнинг Ўзи кифоя қилурrdquo Нисо сураси, 81оят.Ўша давоми...

2846 11:02 / 19.11.2018
Аллоҳ таоло Ўзининг каломида шундай марҳамат қилади .Албатта, исрофчилар шайтонларнинг биродарлари бўлганлар. Шайтон эса Роббига ўта ношукр бўлгандир, давоми...

465 19:00 / 27 февраль
Аллоҳ таоло Тавба сурасида шундай марҳамат қилади Албатта, Аллоҳнинг масжидларини фақат Аллоҳга ва охират кунига иймон келтирганлар, намозни тўкис давоми...

2176 14:04 / 20.11.2018
Аллоҳ таоло Мулк сурасида шундай марҳамат қилади .Айт .Айтингларчи, агар сувларингиз ерга сингиб кетса, сизларга ким оқин сувни келтирур, 30оят.Аллоҳ таоло давоми...

2300 16:04 / 13.12.2018
Аудиолар

118732 11:58 / 10.10.2018
«Ҳилол» журнали
Китоблар

40695 14:35 / 11.08.2021