Абу Амр Муҳаммад ва Абу Сафвон Исҳоқ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Шайх, муснид Абу Амр Муҳаммад ибн Муҳаммад ибн Собир ибн Котиб Бухорий. Муаззин бўлганлар.
Солиҳ ибн Муҳаммад Жазара, Ҳомид ибн Саҳл, Муҳаммад ибн Ҳурайс, Ҳусайн ибн Ваззоҳ ва бошқалардан ҳадис ривоят қилганлар. Солиҳ ибн Муҳаммаддан охирги ривоят қилганлардан.
У кишидан Абу Абдуллоҳ Ғунжор, Аҳмад ибн Абдурраҳмон Шерозий, Абу Наср ибн Али Бухорий Сунний ҳадис ривоят қилганлар.
Абу Бакр Самъоний бу кишининг вафот саналарини 377 йил, деб кўрсатганлар.
Имом, сиқа Абу Сафвон Исҳоқ ибн Аҳмад ибн Исҳоқ ибн Ҳусайн ибн Жобир Суламий Бухорий. Тенгсиз паҳлавон, замонасининг моҳир чавандози Сурморийнинг ўғиллари.
Сурмор – Бухоро қишлоқларидан бири.
Ёшликларида оталарининг назоратларида Ашҳал ибн Ҳотим, Абу Осим, Убайдуллоҳ, Маккий ибн Иброҳим ва Муқрийдан ҳадис эшитганлар.
У кишидан Солиҳ Жазара, Умар ибн Муҳаммад ибн Бужайр ва бошқалар ҳадис ривоят қилганлар.
Ибн Сурморий 276 йилда вафот этганлар.
«Машҳур даҳолар сийрати» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
