1442 йил 21 ражаб | 2021 йил 05 март, жума
Минтақа:
ЎЗ UZ RU EN
Янгиликлар

Доҳа Ислом санъати музейи (Museum of Islamic Art, Doha)

11:00 / 18.12.2020 534 pdf Ўқиш режими + -

Қатар пойтахти Доҳа шаҳридаги Ислом санъати музейи 2008 йилда санъат мухлисларига ўз эшикларини очган. Айни дамга келиб, у мамлакатнинг энг диққатга сазовор жойларидан бирига айланиб улгурган.

Музей биноси қадим исломий меъморчилик анъаналарига хос равишда бино қилинган бўлиб, лойиҳа муаллифи- дунёнинг машҳур замонавий архитекторлардан - хитойлик Ио Мин Пэйдир. Париждаги Лувр музейининг шишали пирамида лойиҳаси ҳам айнан шу архитекторга тегишли.

Музей биноси Доҳа шаҳрининг жанубий қисмидаги сунъий ороллардан бирида барпо этилган. Бинонинг ички қисми 3 қаватдан иборат бўлиб, араб меъморчилигига мувофиқ содда, ихчам бино қилинган.  

Ушбу музейга санъат асари намуналари 1980 йиллардан бошлаб йиғиб келинган. Улар VIII-XIX асрларга оид жуда катта ҳажмдаги экспонатлардир.

Хитойдан Андалусияга бўлган улкан ҳудудларни ўзига қамраган Ислом тарихига оид санъат асарлари дурдоналарини йиғиш катта меҳнат, вақт ва маблағ талаб этгани шубҳасиз.

Музейнинг 45 минг квадрат метрдан иборат кенг ва замонавий кўргазма залларида дунёнинг турли юртларидан- Марказий Осиё, Миср, Испания, Туркия, Покистон, Сурия, Саудия Арабистони, Баҳрайн, Ироқ ва Эрондан келтирилиб жамланган санъат асарлари, экспонатлар жой олган.

Булар сирасига, нодир қўлёзма асарлар, китоблар, текстил-тўқимачилик маҳсулотлари, либослар, металлдан ясалган турли буюмлар, безаклар, заргарлик буюмлари ва кўркам керамика буюмлари, идишлар киради.

Бундан ташқари Эрон гиламлари, жимжимадор ханжар ва қиличлар, суяк ўймакорлиги маҳсулотлари ҳам томошабинлар эътиборини тортади.

Ислом санъати музейи дунёнинг кўплаб музейлари ҳамкорликда билан катта кўргазма дастурлари ҳам амалга оширади.

Бутун йил давомида Парижнинг Лувр, Нью-Йоркнинг Метрополитен музейлари, Миср ислом санъати музейи ва Марокаш қироллик коллекциясидан турли мавзуий кўргазмалар ташкил этиб борилади.

Музейга кириш бепул,  унинг бюджети тўлиқ давлат томонидан қопланади. У ерда 100 га яқин ходимлар ишлайди. 

Йил давомида музейга ташриф буюрувчилар сони ошиб бормоқда.

Бобур Аҳмад тайёрлади


Манба
islom.uz
Мавзуга оид мақолалар
140 тилда сўзлашадиган, 3,14 миллион одам яшайдиган Дубай амирлиги дунёнинг энг космополит шаҳри сифатида тан олинди. McKinsey amp Company глобал консалтинг компанияси давоми...

1243 16:53 / 17.10.2018
Куни кеча Қуддус шаҳридаги АлАқсоrdquo масжиди имомхатиби Юнус Салоҳ Одил бошчилигидаги делегация Ўзбекистон мусулмонлари идораси раиси, муфтий Усмонхон Алимов давоми...

1080 09:30 / 25.10.2018
Бугун 15 ноябрь куни Тошкент шаҳри ва Тошкент вилоятидаги масжидларда Жума намози олдидан Мавлиди шарифлар ўқиладиУчтепа тумани Чўлпон отаrdquo жоме масжиди. Манзил давоми...

826 09:30 / 15.11.2019
Ўзбекистонrdquo нашриёт матбааижодий уйи томонидан Қуръони карим маъноларининг қорақалпоқ тилидаги таржимаси ва тафсириrdquo китоби 8000 нусхада нашр этилди. Бу давоми...

771 09:00 / 29.03.2019
Аудиолар

54286 11:58 / 10.10.2018
«Ҳилол» журнали
Топ рейтинг www.uz Openstat