1442 йил 28 Рамазон | 2021 йил 10 май, душанба
Минтақа:
ЎЗ UZ RU EN
Янгиликлар

Меҳр ва саховат ифодаси. Иккинчи карвонимиз ҳам Сирдарёга етиб борди.

23:17 / 04.05.2020 666 pdf Ўқиш режими + -

Бугун, 4 май куни хайрия штабидан йўлга чиққан, жами 70 тоннага яқин озиқ-овқат, кийим-кечак, кўрпа-тўшак, дори-дармонлар, ўйинчоқлар ва бошқа турдаги маҳсулот юкланган автокарвон Сирдарё вилояти Сайҳунобод туманидаги Пахтакор маиший хизмат касб-ҳунар коллежига етиб борди. Бу ерга офатдан зарар кўрган ҳудуддан эвакуация қилинган  уч ярим мингга яқин фуқаролар жойлаштирилган эди.

Хайрия штаби вакилларини Сайҳунобод тумани ҳокимлиги вакиллари ҳамда Ўзбекистон мусулмонлари идорасининг туман вакиллиги ходимлари кутиб олишди.

Вакилларимиз ҳокимликнинг масъул ходимлари, мутасаддилар саховатпеша юртдошларимиз томонидан юборилаётган инсонпарварлик юкларини қабул қилиш, жойлаштириш ва оилаларга тақсимлаш ишлари тартибли йўлга қўйилганига амин бўлинди.

Яратганга шукр, халқимиз бағрикенг, ўзганинг дардини ўзиникидек ҳис қила оладиган, диёнатли халқ. Охирги бир бурда нонини бўлиша оладиган, бошқалар учун чин қалбдан қайғурадиган халқ. Бунга охирги ойларда кечаётган мусибат дамларида, ташвишли кунларда барчамиз гувоҳ бўляпмиз.

Омонатни етказган дўстларимизнинг ҳикоя қилишича, офатдан зарар кўрганлар кўчириб келингач, коллежга жойлаштирилган. Бироқ маҳаллий аҳоли катта қисми келиб, кўплаб оилаларни ўз уйларига олиб кетиб, жой беришган, ўрин-жой ажратиб, борларини баҳам кўришган. Ўзларининг шароити унчалик яхши бўлмаса ҳам, ҳеч иккиланмасдан, бошига синов келган ҳамюртларимиз учун уйларининг тўридан жой беришган.

Вакиллар юкларни эгаларига етказиш асносида ана шундай хонадонлардан бир нечасига кириб, ажратилган ёрдам маҳсулотларидан бериб, уларнинг ҳолларидан хабар олишган, эҳсон қилган сиз азизларга кўпдан кўп дуолар олиб қайтишган.

Хайрия ишларига бевосита ва билвосита ҳисса қўшган барча юртдошларимизга, хусусан, Тошкент шаҳрида хайрия штабида хизматда бўлган барча кўнгилли ака-укаларимиз, ўзларининг юк машиналарида беғараз ёрдамларини аямаган фидойи дўстларимизга ташаккур айтамиз.

Аллоҳ таоло барчангизга Рамазон ойида қилинган бу хайр-эҳсонлар учун ваъда қилинган ажру савобларни кўпайтириб ато этсин!

Эслатиб ўтамиз, Сардобада зарар кўрганларга ёрдам бериш штабига эҳсонлар қабул қилиш давом этмоқда. Узоқ сақланадиган озиқ-овқатлар, кўрпа-тўшаклар ва айниқса қурилиш материаллари қабул илинмоқда.



Муаллиф
islom.uz
Мавзуга оид мақолалар
Саудия Арабистони Адлия вазирлигининг статистика маълумотларига кўра, никоҳ ва ажримлар бўйича 2019 йил май ойида ушбу қироллик фуқаролари ўртасидаги ажримлар давоми...

2813 10:07 / 10.07.2019
Эшитиш қобилияти чекланганлар учун махсус алифбоrdquo деб номланган мазкур китоб Туркия Дин ишлари бўйича бошқармаси рухсати билан нашрга тайёрланиб чоп этилган. давоми...

986 11:32 / 19.12.2018
Қозоғистон Республикасининг .Дину Муҳаммад қунайиф, номли жоме масжидида ёшлар ўртасида Қуръон мусобақаси бўлиб ўтди. Бу ҳақда iqna хабар беради.Мусобақада саккиз давоми...

631 14:00 / 30.07.2019
Гап шундаки, бу рўйхат Россия Федерациясидаги жазони ижро этиш муассасалари маҳкумлари учун тузилган янги исломий адабиётлар рўйхати ҳисобланади. давоми...

1273 18:01 / 28.11.2018
Аудиолар

59260 11:58 / 10.10.2018
«Ҳилол» журнали
Китоблар

3419 14:48 / 30 март
Топ рейтинг www.uz Openstat