1446 йил 26 шаввол | 2025 йил 24 апрель, пайшанба
Минтақа:
ЎЗ UZ RU EN
Муслималар саҳифаси

Эмизиш ҳукмлари

11:00 / 08.04.2020 1972 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бегона аёлни эмиш туфайли ҳалол-ҳаромга боғлиқ ўта аҳамиятли ҳукмлар келиб чиқишини эмикдошлик туфайли никоҳи абадий ҳаром қилинган аёллар ҳақидаги ўта нозик ва муҳим ишнинг собит бўлишига қандай эмизиш сабаб бўлади?

Унинг миқдори қанча?

Қайси вақтда мазкур эмизиш собит бўлади ва қандай собит бўлади? каби ўхшаш саволларга жавоб топишга ҳаракат қиламиз.

Одатда эмизиш масаласи асосан ҳадис ва фиқҳ китобларимизда доимо никоҳга қўшиб зикр қилинади.

عَنْ أُمِّ الْفَضْلِ رَضِيَ اللهُ عَنْهَا، عَنِ النَّبِيِّ مصلى الله عليه وسل قَالَ: لَا تُحَرِّمُ الرَّضْعَةُ أَوِ الرَّضْعَتَانِ أَوِ الْمَصَّةُ أَوِ الْمَصَّتَانِ.

Умму Фазл розияллоҳу анҳодан ривоят қилинади:

«Набий соллаллоҳу алайҳи васаллам:

«Бир эмиш ёки икки эмиш, бир сўриш ёки икки сўриш ҳаром қилмайди», дедилар».

Шарҳ: Шофеъий ва Ҳанбалий мазҳаблари ушбу ҳадисга амал қилиб, «Бир-икки эмиш билан никоҳни ҳаром қиладиган эмиш содир бўлмайди», деганлар.

Аммо Ҳанафий ва Моликий мазҳаблари уламолари амал қилиш учун бу ҳадисни қабул қилмаганлар. Уларнинг фикрича, бу ҳадис насх қилинган – амалдан қолган ҳадис ҳисобланади. Чунки Аллоҳ таоло Қуръони Каримда:

«…эмизган оналарингиз, эмикдош опа-сингилларингиз… (ҳаром қилинди)», деган, «сизларни икки мартадан кўп эмизган оналарингиз» деган эмас. Шу оятга биноан, номи эмиш бўлса, никоҳни ҳаром қилувчи эмиш собит бўлган бўлади.

Ривоятда келишича, одамлар Абдуллоҳ ибн Умар розияллоҳу анҳуга «Ибн Зубайр «Бир эмиш ёки икки эмишнинг аҳамияти йўқ», демоқда», дейишганида:

«Аллоҳнинг ҳукми унинг ҳукмидан яхшидир, Аллоҳ таоло «Ва эмизган оналарингиз», деган», деб айтганлар. Ояти каримада келган баён турганда ҳадисда унга хилоф нарса келса, ҳадис насх қилинган бўлади.

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Қуръонда келадиган суралардан бирининг номи Каҳф. Раббимиз бизга нозил этган Китобини охирги одамгача барча Аллоҳни танисин, динини тушунсин дея туширди. Бунга давоми...

2401 11:44 / 15.06.2024
Аёлингизни .Нега қиз туғаверасан, деб урушишдан олдин ўйлаб кўринг. Боланинг жинсини ўғил ёки қиз қилиб қўядиган кимАёлингизми ёки сизми Сиз ҳам эмас, аёлингиз ҳам давоми...

2624 19:00 / 21.06.2021
Абу Ҳурайра розияллоҳу анҳудан ривоят қилинади .Набий соллаллоҳу алайҳи васаллам.Маслаҳат сўралмагунча, жувон никоҳланмас. Изн олинмагунча, бокира никоҳланмас,, давоми...

3097 14:00 / 13.05.2020
Умму Салама розияллоҳу анҳо Расулуллоҳ соллаллоҳу алайҳи васалламга турмушга чиқишга рози бўлганларидан кейин ўғилларига валиюл амр сифатида бу никоҳга давоми...

3049 11:20 / 17.08.2019