1442 йил 12 жумадис сони | 2021 йил 26 январь, сешанба
Минтақа:
ЎЗ UZ RU EN
Янгиликлар

Словенияда 1400 кишини сиғдира оладиган илк масжид очилди

13:37 / 04.02.2020 1829 pdf Ўқиш режими + -

Душанба куни Словения пойтахти Люблянада мамлакатдаги биринчи масжид очилди. Бу ҳақда arabnews.com манбасига таяниб, tarjumon.uz сайти  хабар беради.  

Исломий жамият раҳбари Муфти Недзад Грабуснинг айтишича, масжиднинг очилиши уларнинг ҳаётида «бурилиш нуқтаси» бўлди.

1960 йилларнинг охирида Словениядаги мусулмонлар мамлакатда масжид очилиши учун мурожаат қилганди. У пайтда Словения Собиқ Югаславия таркибида бўлган.

Ниҳоят, 2005 йилда масжид қуришга рухсат олинди. Аммо Парламентдаги сиёсатчилар, муҳолиф ташкилотлар қаршилиги, шунингдек, молиявий қийинчиликлар ибодатгоҳ бунёд этилишига тўсқинлик қилди.

Ниҳоят, 2013 йилда масжид қурилиши бошланди. Унга сарфланган 34 миллион eвронинг (39 миллион доллар), 28 миллион eвроси Қатар томонидан ҳайрия қилинди.

1400 нафар кишини ўз бағрига сиғдира оладиган масжид, Исломий Маданият Марказини ҳам ўз ичига олади. Марказда оффислар, таълим маркази, ресторан, баскетбол майдони, мусулмон имомлари учун турар жой ва 40 метрли минора мавжуд.

Шу пайтгача мусулмонлар ижарага олинган спорт залларида ёки биноларда ибодат ва маросимлар ўтказиб келишган. Словенияда ҳозирда 80,000 нафар атрофида мусулмон истиқомат қилади.

Словениялик мусулмон Азра Лекович масжид очилиши «муҳим» ҳодисалигини таъкидлар экан, унинг 22 ва 24 ёшли болалари йиллар давомида ўз динларидан узоқда бўлганини айтди.

«Умид қиламанки, масжид очилиши фарзандларимга яна Ислом ҳамжамияти билан алоқада бўлиш, илғор одамлар билан учрашиш ва ўз динларини ўргатадиган дўстларни топиш имконини беради», дейди Лейкович.

Islom.uz портали таҳририяти

Манба
islom.uz
Мавзуга оид мақолалар
Лаҳор ноширлар уюшмаси ушбу қарорни Покистон конституцияси руҳига ва мамлакатнинг орзуумидларига мос равишда таърифлаган. Бу ҳақда News International хабар давоми...

1085 17:30 / 31.12.2020
Шайх Муҳаммад Имдод Ҳусайн Пирзода, 1946 йилда Покистоннинг Жанг шаҳрида туғилган, DMG Bhera ва Панжоб Покистон университетларининг битирувчиси. У малакалали адиб, араб давоми...

1673 10:05 / 04.10.2019
Бугун .Мирза Юсуф, Бодомзор жоме масжиди имомхатиби Саййид Раҳматуллоҳ Термизийнинг волидаи меҳрибонлари Кимёхон Тўра ҳожи қизлари оламдан ўтдилар.Шу муносабат давоми...

1213 16:55 / 13.10.2018
Жазоирда Қуръони каримнинг мўъжизаларига бағишланган халқаро симпозиум бўлиб ўтди, деб хабар беради International Quran News Agency. Тадбир Лагуата шаҳридаги Ислом фани ва давоми...

1003 16:34 / 06.12.2018
Аудиолар

51715 11:58 / 10.10.2018
«Ҳилол» журнали
Топ рейтинг www.uz Openstat