72-боб. Яхшига ҳам, ёмонга ҳам эҳсон қилиш
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Муҳаммад ибн Али ибн Ҳанафийядан ривоят қилинади:
«Яхшиликнинг мукофоти, албатта, яхшиликдан бошқа нарса эмас». У яхшига ҳам, ёмонга ҳам ёзилган», деди».
Қуръони Каримнинг Роҳман сурасида «Яхшиликнинг мукофоти, албатта, яхшиликдан бошқа нарса эмас» деган оят бор.
Муҳаммад ибн Али ибн Ҳанафийя шу маънода: «Яхшилик қилиш яхшига ҳам, ёмонга ҳам ёзилган», деган эканлар.
Демак, сизга яхши одам яхшилик қилса ҳам, ёмон одам яхшилик қилса ҳам, яхшилик қилинг.
Яхшига яхшилик қилсангиз, сизга ҳам яхшилик қилади. Ёмонга яхшилик қилсангиз, энг ози – унинг ёмонлигидан омонда бўласиз. Агар сизнинг яхшилигингиздан таъсирланиб, у ҳам яхшилар қаторига қўшилиб қолса, айни муддао бўлади.
«Одоблар хазинаси» китобидан
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
