1442 йил 13 ражаб | 2021 йил 25 февраль, пайшанба
Минтақа:
ЎЗ UZ RU EN
Тазкия

Абу Юсуфнинг ширинлик ейиши

05:00 / 01.03.2017 1774 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Имом Абу Ҳанифанинг буюк шогирди Абу Юсуф Аббосий халифа Ҳорун ар-Рашийд даврида қозиларнинг энг каттаси бўлган. У биринчи бўлиб "қозийул қузот" (қозиларнинг қозиси) ва "дунё қозиларининг қозиси", деган унвонга мушарраф бўлган. У фақиҳ ва мужтаҳид зотлардан эди.

Абу Юсуф Ёқуб ибн Иброҳим ўзи ҳақида шундай ҳикоя қилади:

Отам вафот этганида кичкина бола эдим. Онам мени бир кир ювувчига ёрдамчи қилиб топширди. Мен эса у ердан Абу Ҳанифанинг дарсларига қочиб бориб, дарсда қатнашар эдим. Онам ортимдан бориб, қўлимдан тутар ва кир ювувчининг олдига олиб бориб қўяр эди. Сўнгра яна онамга қарши бориб, Абу Ҳанифанинг олдига бораверар эдим. Бу иш такрорланавергач онам Абу Ҳанифанинг олдига келиб:

“Бу болани фақат ип йигириб боқаман, ўша топган пулимга олиб едирган таомдан бошқа ҳеч вақоимиз йўқ. Сен унинг тарбиясини бузмоқдасан”, деди.

Абу Ҳанифа унга: “Жим бўлгин, эй аҳмоқ хотин! Ахир тушунсангчи, бу бола ҳозирда илм ўрганмоқда. Ҳали шундай кунлар келадики, боланг подшоҳлар ейдиган феруза тақсимчаларда хандонписта ёғида тайёрланган фалузаж тансиқ ширинлиги ейди”, дедилар.

Онам: “Сен қариб ақлдан озибсан”, деб устозимнинг гапларига ишонмади. 


Ниҳоят мен таълим олиб бўлиб, қозилик қила бошлагач Халифа Ҳорун ар-Рашийднинг даврида феруза тақсимчаларда фалузаж келтириб қолишди.

Шунда Халифа менга: “Бу ширинликдан егин! Бу ширинлик бизда доим ҳам тайёрланавермайди”, деди.

Мен: “Бу нима эй мўминлар амири?” деб сўрадим. 

У: “Бу фалузаж номли ширинлик”, деган эди, мен кулиб қўйдим.

У: “Нима учун кулиб қўйдинг?” деб сўради.

Мен:  “Аллоҳ мўминлар амирининг умрини зиёда қилсин, ҳеч нарса” дедим.

У: “Йўқ, менга албатта сабабини айтишинг керак”, деди.

Мен унга Абу Ҳанифанинг бир замонлар онамга айтган гапларини ва бўлиб ўтган воқеани ҳикоя қилиб бердим. Шунда Ҳорун ар-Рашид:

“Ҳақиқатда илм, дунё ва охиратда инсонга манфаат бериб, юксак даражаларга кўтаради. Аллоҳ Абу Ҳанифани раҳматига олсин! У киши бошдаги кўз кўра олмайдиган нарсани қалб кўзи билан кўра олар эди”, деди.  

Ибн Касирнинг "ал-Бидоя ван-Ниҳоя" асаридан эркин таржима.





Манба: islom.uz 

Таржимон: Муҳаммад Юсуф Абдулжалил.


Муаллиф
islom.uz
Мавзуга оид мақолалар
Бизда манманлик деб аталадиган салбий сифат арабларда .Ужуб, дейилади. Бунда киши ўзида бор нарсадан ўзи ажабланади ва мақтанади. Манманлик уламолар истилоҳида давоми...

2064 05:00 / 28.02.2017
Руҳий тарбия машойихлари нафсни поклаш ва ахлоқни сайқаллаш ишида энг муҳим воситаларидан бири муробата эканини алоҳида таъкидлайдилар. Уларнинг истилоҳида давоми...

2145 05:00 / 28.02.2017
Бир оят тафсири 6қисм Аллоҳ таоло Қуръонда шундай деб марҳамат қилган Ёки кофирларнинг қилган амаллари қаватмақават тўлқин ва унинг устида қора давоми...

1853 05:00 / 01.03.2017
Қиёмат куни одам энг олдин намоздан сўроқ беради. Агар намозини яхшилаб ўқиган бўлса, намози ва бошқа эзгу амаллари қабул қилинади. Намозини яхшилаб ўқимаган давоми...

2979 19:02 / 07.11.2018
Видеолар

30 14:00 / 20 февраль
Аудиолар

53840 11:58 / 10.10.2018
«Ҳилол» журнали
Топ рейтинг www.uz Openstat