1445 йил 11 рабиъул аввал | 2023 йил 26 сентябрь, сешанба
Минтақа:
ЎЗ UZ RU EN
Тазкия

Тасаввуф ва унинг ҳақиқати ҳақида (1)

05:00 / 01.03.2017 3102 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

ТАРЖИМОН СЎЗБОШИСИ

Бисмиллаҳир роҳманир роҳийм.

Ҳозирги вақтда ахлоқий ҳаётимизда айрим камчиликлар вужудга келиб, кўпчиликни ташвишга солаётгани сир эмас. Инсон ҳаётда фақат моддий эҳтиёжини қондириш билан кифояланиб қолмай, балки руҳий тарбия олиш ва маънавий озиқланишига ҳам аҳамият бериши лозим. Руҳ тарбияси жисм тарбияси билан уйғун ҳолатда камолга етгандагина инсон икки дунё саодатига эришади.

Кейинги пайтларда тасаввуф ва тариқат ҳақида, сўфийлик ва унинг тарихи тўғрисида бир қатор китоблар ёзилди ва ўқувчиларга тақдим этилди.

Абу Абдурраҳмон ибн Ҳусайн ибн Мусо ас-Суламий ан-Найсабурий (325/936-412/1031)нинг “Тасаввуф ва унинг ҳақиқати ҳақида Муқаддима” китоби пок фазилатларни ўзида жам қилган исломий тасаввуф мавзусини ёритади. Муаллиф “Муқаддима” асарида ўн тўрт боб орқали Исломдаги сўфийлик тариқатининг ахлоқий фазилатларини Қуръони карим ва Суннати Набавийя асосида, тариқатнинг машҳур пешволари сўз ва маслаклари ёрдамида баён қилади. Шунинг учун ҳам бу асар Ислом тасаввуфини ҳақиқий суратида баён қилган туросий китобларнинг энг муҳимларидан бири  ҳисобланади.

Маълумки, тасаввуф аҳли пешволаридан бўлган Суламий бу борада ўттиздан зиёд асар қолдирган. Унинг “Табақоти сўфийя” (Сўфийлар табақалари) китоби бир неча бор нашр қилинган, тасаввуф ва сўфийлар тарихини ўрганишда муҳим манба ҳисобланади.

Имом Ғаззолий “Сўфийлар сўз соҳиби эмас, балки аҳвол-ҳолатлар соҳиби” деганидек, Абу Абдураҳмон Суламийнинг тасаввуф йўлини ёритишда кўп фойдали бўлган “Муқаддима”сини эътиборингизга ҳавола қилмоқдамиз.

Тасаввуфнинг ҳақиқий орифларидан бирининг бу асарини ўқиб, дунё ва охиратимиз саодати йўлида манфаат олишимизда Аллоҳ таолонинг Ўзи барчамизга мададкор бўлсин, омин!

Абдулҳамид Муҳаммад Турсун.

Муаллиф
islom.uz
Мавзуга оид мақолалар
. ,. .Абдуллоҳ ибн Абдурраҳмон ибн Абзодан, у отасидан ривоят қилади.Расулуллоҳ соллаллоҳу алайҳи васаллам қачон тонг оттирсалар, .Асбаҳнаа давоми...

2477 14:07 / 18.12.2018
Аввал ҳам айтиб ўтганимиздек, ҳар бир тариқатнинг ўз шайхидан Расулуллоҳ соллаллоҳу алайҳи васалламга етиб борадиган силсиласи бор. Мазкур силсилага кирувчи давоми...

4248 21:09 / 10.11.2018
Тасаввуф ҳақида бироз бўлса ҳам хабардор бўлган киши .шатаҳот, сўзининг фақат тасаввуфда ишлатилишини ва у сўфийларнинг ўзларини йўқотиб қўйганда айтадиган, давоми...

3157 16:10 / 15.08.2019
Ҳасан Басрий айтган 40 калима1. Аллоҳ бандани воз кечганининг аломати, банда бефойда нарса билан машғул бўлишидир.2. Хулқини ёмон қилган жонини қийнабди.3. Олимлар давоми...

4066 05:00 / 01.03.2017
Аудиолар

107284 11:58 / 10.10.2018
«Ҳилол» журнали
Китоблар

31717 14:35 / 11.08.2021