1442 йил 18 ражаб | 2021 йил 02 март, сешанба
Минтақа:
ЎЗ UZ RU EN
Мақолалар

Мактуб: Манчестер Қизлар Ислом мактабига

19:05 / 28.09.2019 2129 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Салом! Менинг исмим Ко-оп. Беэч кўчасидаги дўконда менежерман. Дўконимиз мактабингиздан икки дақиқалик масофада жойлашган. Мактабингиз ўқувчи қизлари ҳақида қисқагина мактуб ёзгим келди. Ҳар куни тонгда кўплаб ўқувчиларингиз дўконимизга харид учун ташриф буюришади...»

Мактабнинг фейсбукдаги саҳифасига юборилган ушбу қисқа мактубда дўкон бошқарувчиси харидор ўқувчиларнинг хулқ-атворлари ҳақида эътирофларини ёзган: «... Ўқувчиларингиз жуда ҳам хушмуомала, гўзал хулқли қизлар. Мен уларга хизмат қилиб, суҳбатлашиб, чинакамига роҳатланаман. Улар мактабингиз учун, ота-оналари ва асосан, инсон сифатида ўзлари учун фахрдирлар».

Менежер хоним яна давом этади: «Улар дўконда ўзларини шундай чиройли тутадиларки, ўзи ёки мактабининг тарбиясини бундан ортиқ гўзал хулқ билан намоён қилиб бўлмаса керак. Албатта, ишонаманки, бу сизлар учун янгилик эмас, шунда ҳам, ўқувчиларингизни дўконимиздаги гўзал хулқларидан миннатдорлигимни билдиришни лозим топдим».

Мактаб маъмурияти бундан бениҳоя мамнун бўлган. Шунингдек, ушбу маъмурият ҳам ўз навбатида бундай ёқимли хабар қабул қилганидан хурсанд эканлигини фейсбукдаги саҳифасида ёзиб қолдирди:

«Бугун ўқувчиларимиз ҳақида гўзал мактуб олдик ва ҳақиқатан ҳам бу қизларимизнинг ўзлари, мактабимиз, айниқса, уларнинг ота-оналари учун фахрдир. Яқин қўшниларингдан миннатдорчилик мактубларини олиш жудаям қувонарли. Раҳмат».

Ўқувчиларимизнинг «Энг намунали» деб уч маротаба тақдирланганларини ҳисобга олсак, Манчестер Қизлар Ислом мактабининг талабаларини ўз илм даргоҳига мақтов олиб келишидан ҳайратланмасак ҳам бўлади, - дейди мактаб маъмурияти «IlmFeed» нашрига. - Мактабимиз қизлари асосан мусулмон оилаларда тарбия топадилар. Шу билан бирга ўқув дастурларимизга ҳам исломий одоб-ахлоқ меъёрлари киритилган. Ўқувчиларимизнинг ўзлаштирган илм ва одоблари нафақат таълим жараёнида, балки уларнинг ҳар бир ишларида: турли хил ҳайрия лойиҳалари, экологик мавзудаги тадбирлар, қарияларга кўмак бериш каби мурувват ишларида ҳам акс этади.

Мактаб ўз талабаларини нафақат яхши мусулмон, балки энг яхши фуқаро бўлишига ҳам алоҳида эътибор беради, - дейди мактаб раҳбари Мона Муҳаммад «Манчестер Ивининг Нюс»га берган маълумотида. — Умуман олганда, бу жамиятдаги ушбу муваффақият калитидир. Ота-оналар бу даргоҳга қизларини икки дунё илмини эгаллашлари учун юборадилар. Шу билан бирга, фарзандлари ўз дини, маданияти, мероси, эътиқоди билан фахрланишларини истайдилар. Қолаверса, қизларимиз жамият ривожига улкан ҳисса қўшадиган фуқаролар бўлиб етишадилар, дея қўшимча қилди Мона Муҳаммад хоним.

Islom.uz портали таҳририяти

Манба: «IlmFeed» нашри

Таржимон: Оиша

Манба
islom.uz
Мавзуга оид мақолалар
Суфён ибн Уяйна ҳазрати Абу Бакр розиялллоҳу анҳу ҳақида шундай дейди .Абу Бакр Сиддиқ розияллоҳу анҳу бирортасига таъзия билдирса, шундай дер эди .Сабрқаноат давоми...

1061 11:00 / 16.06.2019
Насиҳат деганда насиҳат қилинган кишининг манфаатини кўзлаб айтилган холис сўзлар тушунилади. Қуйидаги ҳадисда Расулуллоҳ соллаллоҳу алайҳи васаллам амал давоми...

4916 16:11 / 23.02.2019
Савол Ўзим Қуръони Каримдан ҳар куни аранг бир пора ўқишга имкон топаман. Ўтмишдаги салафларимизнинг Қуръонни кунига бир ёки икки марта, баъзилари ҳафтасига, давоми...

1558 15:05 / 05.06.2020
Абул Ҳасан алҲарақоний ҳазратлари ривоят қиладилар .Бир замонлар икки акаука бўлиб, уларнинг парваришга муҳтож онаси бор эди. Ҳар кеча улардан бири онасига қарар, давоми...

1817 07:00 / 14.02.2019
Видеолар

100 14:00 / 20 февраль

211 17:19 / 18 февраль
Аудиолар

54114 11:58 / 10.10.2018
«Ҳилол» журнали
Топ рейтинг www.uz Openstat