Олимнинг ўзидан илмлироқ кишидан сўраганлари
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ваҳб ибн Мунаббаҳ айтади: «Бир олим ўзидан илмлироқ кишидан сўради:
– Қандай иморат қурай?
– Қуёшдан ва ёмғирдан сақлашга кифоя қиладиганини.
– Қанча таом ейин?
– Очликдан юқори, тўқликдан паст миқдорда.
– Қанча кийим кияй?
– Ийсо алайҳиссаломнинг кийимини.
– Қандай кулай?
– Юзинг ёришадиган, овозинг эшитилмайдиган даражада.
– Қанча йиғлай?
– Аллоҳдан қўрқиб йиғлашда ҳеч малолланма.
– Амаллардан қанчасини яширай?
– Одамлар сени умуман яхшилик қилмайди, деб ўйлагунча.
– Амаллардан қанчасини билдирай?
– Ҳарис киши сенга иқтидо қиладиган, аммо одамларнинг гапларидан омон қоладиган даражада.
«Солиҳлар гулшани» китобидан
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
