1440 йил 19 Рамазон | 2019 йил 24 май, жума
Минтақа:
ЎЗ UZ RU EN AR
Мақолалар

Жума куни билан боғлиқ 5 фазилат

10:05 / 15 март 1207 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Байрам

Ибн Можа ибн Аббос розияллоҳу анҳудан ривоят қилинади:

«Расулуллоҳ соллаллоҳу алайҳи васаллам айтдилар: «Албатта бу (жума куни) байрам кунидир. Аллоҳ уни мусулмонлар учун (байрам) қилган (шундай экан). Ким жумага келса ғусл қилсин. Агар унда хушбўй атир бўлса ундан сепиб олсин. Мисвок билан тиш тозалашга ҳам маҳкам турсин».

Имом Суюутий Хасоис ул-жумъа.

 

Икки карра ажр

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи ва саллам дедилар: «Ҳар жума куни аҳлингиз билан мужомаат қила олмайсизми? Бас, ким ўшандай қилса унга икки карра ажр бор. Ўзининг ғусли ва аёлининг ғусли учун».

Имом Суюутий Хасоис ул-жумъа.

Бир кунда бир йиллик ибодат савоби

Авс ибн Авс ас-Сақофийдан ривоят қилинади: 

«Мен Расулуллоҳ соллаллоҳу алайҳи ва салламдан эшитганман, Ул зот айтардилар: «Кимки жума куни ғусл қилса, эрта туриб масжидга улов минмасдан яёв борса, имомга яқин жойлашиб унга қулоқ солса, лағв сўз сўзламаса унинг ҳар бир қадамига бир йиллик (нафл сиём ва қиём) рўза ва намоз савоби берилади».

Абу Довуд, Имом Аҳмад, ҳоким, Термизий, Насаий, Ибн Можа, Ибн Ҳиббон ва Ибн Хузайма. Саҳиҳ.

Фақирликни даф этади

Асмаъий раҳимаҳуллоҳ деди: «Бир куни халифа Ҳорун ар-Рашид хузурига кирдим. Жума куни эди. У тирноғини олиб ўтирган экан. Унга нега айнан бугун тирноқ олаётгани ҳақида савол қилдим.

У деди: «Тирноқларни пайшанба кунда олиш суннатдан, тўғри, аммо менга “жума куни олишлик фақирликни қайтаради», деган хабар келган.

Мен унга: «Эй Амир ал-мўминин! Сиз ҳам фақирликдан қўрқасизми?!» – дедим.

У: «Эй Асмаъий, фақирликдан мендан кўра кўпроқ қўрқадиган ким экан?! Менинг хавфим ҳамманикидан кўпроқ», деди. Ал-Мужоласа ва жавоҳир ул-илм. 159/ ривоят.

Жума куни дуо ижобат бўладиган вақт

Пайғамбаримиз соллаллоҳу алайҳи васалламдан ривоят қилинди, Ул зот дедилар: «Жума кунда бир вақт бор, мусулмон банда ўша вақтда намозида тик туриб Аллоҳдан нимани сўраса, албатта унга беради!»

Шу вақт ҳақида: энг асаҳҳи ёки асаҳларидан биттаси шуки, у имом минбарга чиқиб, намозини  тамомлагунча бўлган вақт оралиғидир. Зеро, “Саҳиҳи Муслим”да бу собитдир. Лекин дуони қалби билан қилиши керак. Қўлини кўтариб, ошкора гапириб қилмайди. Чунки жумага келганлар бу вақт мобайнида жим туришга маъмурдирлар. Ҳошияту Ибн Обидин.

Муҳаммадали Пирқўзиев

Манба
islom.uz
Мавзуга оид мақолалар
Қатода ибн Диъома исмли олим ҳикоя қилади.Басра шаҳрида Утба ибн Абон исмли зоҳид, тақводор, маҳзунликда Ҳасан Басрийга ўхшаган, доим рўза тутадиган киши яшаб давоми...

2634 21:36 / 08 январь
Бунинг баёни Баро ибн Озиб розияллоҳу анҳудан ривоят қилинган ушбу ҳадисда ўз аксини топган. Бу ҳадисда бир банда ўтиши керак бўлган босқич ndash қабр оламининг давоми...

13173 16:40 / 02 февраль
Умар ибн Салоҳ айтади Имом Аҳмаддан Қалблар нима билан юмшайдиrdquo деб сўрадим. У менга бир қараб, бир муддат жим қолди. Сўнг Нима билан дейсанми Ҳалол луқма ейиш давоми...

1293 15:00 / 11.12.2018
Абу Ҳурайра розияллоҳу анҳу сажда қила туриб, зино, ўғрилик, куфр келтириш ва бошқа гуноҳи кабиралардан паноҳ сўрардилар. Абу Ҳурайра розияллоҳу анҳудек буюк давоми...

1090 09:30 / 24 апрель
Топ рейтинг www.uz Openstat