1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Жаннат райҳонлари

Payg‘ambarimiz ulovga o‘tqazgan bolalar

10:24 / 21.01.2019 7492 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Aziz bolajonlar, Payg‘ambarimiz sollallohu alayhi vasallam sizning tengdoshlaringizga o‘ta mehribon bo‘lganlari haqida bilasizmi? Bu haqda juda ko‘plab hadislar rivoyat qilingan. Keling, ulardan biri bilan tanishamiz. 

Abdulloh ibn Ja’far roziyallohu anhudan rivoyat qilinadi:

«Nabiy sollallohu alayhi vasallam safardan kelsalar, o‘z ahli baytlarining bolalari ila qarshi olinar edilar. Bas, u zot bir safardan kelganlarida qarshilariga avval men olib borildim. Bas, u zot meni oldilariga o‘tirg‘izib oldilar. So‘ngra Fotimaning ikki o‘g‘lidan biri olib kelindi. U zot uni ortlariga mingashtirib oldilar. Biz – uch kishi bir ulov ustida Madinaga olib kirildik».

Muslim va Termiziy rivoyat qilganlar.

Payg‘ambar sollallohu alayhi vasallamning o‘ta bolajon zot ekanliklari ma’lum va mashhur. U  ishi qachon bolalarni ko‘rsalar, xursand bo‘lib ketar, ularni erkalar edilar. Shuning uchun ham safardan qaytganlarida u zotni xursand qilish maqsadida birinchi bo‘lib ahli baytlaridan bo‘lgan bolachalarni qarshilariga olib borib, kutib olinar edilar. Bu ishdan Rasululloh sollallohu alayhi vasallam juda ham xursand bo‘lar edilar.

O‘shandoq safarlardan biridan qaytayogan Nabiy sollallohu alayhi vasallamning qarshilariga  birinchi bo‘lib, Abdulloh ibn Ja’far roziyallohu anhu olib borilibdi. Bas, u zot uni ko‘tarib olib, o‘z oldilariga, egarga o‘tirg‘izib olibdilar. Bu Abdulloh ibn Ja’far roziyallohu anhu uchun, albatta, katta baxt. Lekin u kishi o‘zlarining undan ham katta baxtga muyassar bo‘lganlarini keyingi jumlada bayon qilmoqdalar:

«So‘ngra Fotimaning ikki o‘g‘lidan biri olib kelindi. U zot uni ortlariga mingashtirib oldilar».

Bundan Payg‘ambar sollallohu alayhi vasallamning otasidan yosh yetim qolgan Abdulloh ibn  Ja’far roziyallohu anhuning ko‘ngli uchun o‘zlarining mahbub nabiralari Imom Hasan va Imom  Husaynlardan birlarini ortlariga mingashtirib, Abdulloh ibn Ja’farni oldilariga olib, Madinagacha kirib borganliklari ko‘rinib turibdi. Abdulloh ibn Ja’far roziyallohu anhuning o‘zlari esa xuddi shu holatni o‘zlari uchun faxr va e’zozga arziydigan narsa deb bilmoqdalar.

 

«Hadis va hayot» kitobidan

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Muso qizlarnikida katta hurmatizzat ko`rdi. Ular bu g`arib yigitni xuddi o`z farzandlaridek ko`rib izzatikrom qilishdi.Kunlarning birida qiz otasi huzuriga kelib maapossumalik bilan shunday dedi .Ey ota, uni ishga yollagin. Zero, sen yollagan eng yaxshi kishi kuchli, ishonchli kishidir,.Chol dedi давоми...

5827 15:00 / 05.12.2021
Bani Isroil endi hayvoncha yashashdan odamlarcha yashashni boshladi. Ular cholda hur, erkin edilar. Endi bu qavm ilohiy bir shariatga muhtoj edi. Toki ular mana shu shariat bilan hukm qilsinlar, hayot yollarini yoritsinlar.Inson faqat ilohiy shariat va Robbisi nuri ostidagina insondek yashashi давоми...

2049 09:00 / 29.01.2023
Musoning onasi emizishni tugatgach, bolani qasrga qaytardi. U saroyda huddi shahzodalardek ulg`aydi. Shu bois shohlar va boybadavlat kimsalar qarshisida esankirash, o`zini yo`qotib qo`yish unga begona edi. Muso Firaposavn va uning ahli qanday nematlar ichida yashayotganiga shaxsan guvoh bo`ldi. давоми...

1483 17:30 / 10.10.2021
Fir`avn Muso alayhissalomni o`ldirmoqchi bo`ldi. .Shunda Fir`avn xonadonidan bo`lgan, o`zining iymonini yashirib yuradigan bir mo`min kishi o`rnidan turib dedi.Bir kishini .mening Parvardigorim Allohdir, degani uchun o`ldirurmisizlar, holbuki u sizlarga Parvardigoringiz tomonidan aniq hujjatlar давоми...

3424 17:00 / 10.04.2022
Аудиолар

118799 11:58 / 10.10.2018
«Ҳилол» журнали
Китоблар

40749 14:35 / 11.08.2021