1445 йил 22 зулқаъда | 2024 йил 30 май, пайшанба
Минтақа:
ЎЗ UZ RU EN
Мақолалар

Ўғирланган молни сотиб олиш мумкинми?

15:30 / 13.01.2019 6212 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Кўринишидан ўғирланган ёки тортиб олинган молни сотиб олиш мумкинми?

Жавоб: Бисмиллаҳир роҳманир роҳийм.

Кўринишидан ўғирланган ёки тортиб олинганлиги маълум бўлган молни сотиб олиш шаръан жоиз эмас. Уни сотиб олишда ўғри ва талончининг ишини ривожлантириш бор. Гуноҳ ишга ёрдам бериш шаръан гуноҳ ҳисобланади. Аллоҳ таоло Қуръони каримда:

ﯲ ﯳ ﯴ ﯵﯶ

«Гуноҳ ва душманлик йўлида ҳамкорлик қилманг...» деб марҳамат қилган (Моида сураси, 2-оят).

Мусъаб ибн Муҳаммад мадиналик бир кишидан ривоят қилади:

«Расулуллоҳ соллаллоҳу алайҳи васаллам: «Ким молнинг ўғирланганини билатуриб сотиб олса, гуноҳ ва орига шерик бўлибди», деганлар». 

Бир киши бирор молни сотиб олганидан кейин унинг ўғирланган ёки тортиб олинганлиги маълум бўлса, байъни бекор қилиб, сотувчидан пулини қайтариб олишга ҳаққи бор.

Аллома Ибн Обидийннинг «Раддул муҳтор» китобида: «Сотиб олинган молнинг ҳалол эмаслиги, яъни ўғирланган ёки тортиб олинган эканлиги зоҳир бўлса, харидор сотувчидан пулини қайтариб олади», дейилган.

Ўғирланган, тортиб олинган мол ҳар қандай ҳолатда ҳам ўғирлатган кишининг моли ҳисобланади. Кўрган жойида ундан тортиб олишга ҳақлидир.

Аллома Косоний раҳматуллоҳи алайҳ: «Ўғри ўғирланган молни бирор кишига сотса ёки қайсидир йўл билан (ҳадя) мулк қилиб бер-са, у йўқ бўлиб кетмасдан турган бўлса, ўғирлатган киши уни тортиб олишга ҳақлидир. Чунки у ўзининг мулки ҳисобланади. Харидор эса сотувчи ўғридан пулини қайтариб олади», деган.

Кишининг қони ва обрўсини тўкиш ҳаром бўлганидек, ноҳақдан унинг молига қўл чўзиш ҳам ҳаромдир. Шариатимиз ватани ҳимоясида вафот этган кишиларни шаҳид санаганидек, моли ҳимоясида вафот этган кишиларни ҳам шаҳид қаторига қўшган.

Расулуллоҳ соллаллоҳу алайҳи васаллам: «Молининг ҳимоясида вафот этган киши шаҳиддир», деганлар.

Бундан кўриниб турибдики, бировнинг молини ноҳақдан тортиб олиш унинг жонини олишга тенгдир. Валлоҳу аълам.

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Андалус вазирининг ўғли ҳикоя қилади .Даҳлизда ўтирган эдим. Бир китоб кўчирувчига Абулфараж Исфаҳонийнинг .Ағоний, китобини кўчиришни буюргандим. У давоми...

2924 07:10 / 09.08.2019
Анас розияллоҳу анҳудан ривоят қилинади.Набий соллаллоҳу алайҳи васаллам .Дуо ибодатнинг миясидир,, дедилар,.Шарҳ Бундан .Дуосиз ибодат миясиз ибодат бўлади,, давоми...

2539 08:45 / 14.02.2019
Устоз Муҳаммад Курдали .Кунузул аждад, номли китобида имом ибн Жарир Тобарийнинг таржимаи ҳоли тўғрисида қуйидагиларни айтган .Айтилган хабарларга кўра, у зот давоми...

1624 13:00 / 26.07.2019
Муовия ибн Қурра айтади .Ҳасаннинг ҳузурида эдик. Қайси амал энг афзал экани ҳақида гаплашдик. Ҳамма тунда қоим бўлиш деб иттифоқ қилди. Мен эса .Ҳаромларни тарк давоми...

1956 08:00 / 05.02.2021
Аудиолар

122162 11:58 / 10.10.2018
«Ҳилол» журнали
Китоблар

43514 14:35 / 11.08.2021