1442 йил 4 шаввол | 2021 йил 16 май, якшанба
Минтақа:
ЎЗ UZ RU EN
Ақийда

Жаҳаннам нега яратилган?

21:00 / 09.12.2018 2129 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Жавоб: 1. Ҳозирги инсонлар ҳамма нарсани ақл ва мантиқ билан ўлчайди. Мантиқ ҳақ билан ботилни ўлчаб беролмайди. Лекин у билан ҳақни ҳам, ботилни ҳам исботласа бўлади. Масалан, бир киши эътироз қилиб, деди: “Узум ҳалол бўлса, унинг суви ҳам ҳалол бўлиши шарт. Демак, шароб ҳалол бўлиши керак”. Эшитаётганлар унинг сўзини жуда мантиқли топдилар. Сўнгра унга жавоб берилди: “Чўнтагингизда гугурт борми? Шу гугуртни ёқиб, қайтиб чўнтагингизга соласизми?” “Албатта, йўқ”. “Нега, бу ўша гугурт-ку?” “Чунки у ёқилганидан кейин хавфли бўлади”. “Худди шундай узум суви ҳам ачитилиб, маст қилувчи шаробга айлангач, ақл учун хавфли бўлади”. Эшитаётганлар бу жавобни ҳам мантиқли топдилар. Демак, мантиқий йўл билан ҳақни ҳам, ботилни ҳам исботласа бўларкан. Аммо у меъёр эмас.

Жаннамнинг яратилиши Аллоҳнинг адолатидир. Чунки қанчадан-қанча одамлар турли жиноятлар, ваҳшиёна қатллар, ғаддорлик, хунхўрлик, зулмлар қилмоқда. уларнинг аксари дунёда жазосиз қолмоқда. Агар улар қиёматда жазоланмасалар, адолатсизлик бўларди.

2. Нарсалар зидди билан билинади. Кеча бўлмаса, кундузнинг қадри билинмасди. Очлик бўлмаса, тўқликнинг қадри номаълум қоларди. Дўзах бўлмаса, жаннатнинг қадри билинмасди.

3. Аллоҳнинг сифатлари икки қисм: жамолий ва жалолий (лутфий ва қаҳрий)дир. Фаришта, жаннат, солиҳ амалларни яратиш лутф сифатининг зоҳир бўлишидир. Шайтон, жаҳаннам, ёмон амалларни яратиш қаҳр сифатининг зоҳир бўлишидадир. Қаҳр бўлмаса, лутф бўлмайди. Очлик бўлмаса, тўқлик, оғриқ бўлмаса, лаззат бўлмайди. Дунёдаги мажозий подшоҳлар қўл остидагиларнинг баъзини вазир, баъзисини супуриб-тозаловчи қилади. Уни ҳеч ким маломат қилиб, ишини зулмга нисбат бермайди. Чунки бу мамлакатнинг заруратларидандир.


“Соғлом эътиқод – мўминга нажот” китобидан

Мавзуга оид мақолалар
1. Баъс ndash қайта тирилишга далилларАллоҳ таоло Қуръони Каримда шундай марҳамат қилади.Кофирлар ҳеч қайта тирилмасликларини даъво қилдилар. Сен .Ундай эмас, Роббим давоми...

1348 14:00 / 04.05.2020
Абдуллоҳ розияллоҳу анҳудан ривоят қилинади.Даромад манбаини тутишга берилиб кетманглар, яна дунёга рағбат қилиб кетишингизга сабаб бўлмасин,.Термизий ривоят давоми...

4536 20:50 / 23.04.2017
Имом Муслиҳуддин Кисталий ваф. 901 ўзининг .Шарҳи ақоидуннасафийя, асарига битган хошиясида айтади.Хуросон, Ироқ, Шом ва бошқа кўп ўлкалардаги кенг тарқаган аҳли давоми...

794 17:05 / 13.06.2020
Фиқҳул акбарБизни соф ақидага йўллаган Аллоҳ таолога битмастуганмас ҳамду санолар бўлсин Бизга энг мукаммал ақидани баён қилиб берган Пайғамбаримизга саловоту давоми...

4799 17:16 / 01.12.2016
Топ рейтинг www.uz Openstat