1445 йил 16 рабиъул аввал | 2023 йил 01 октябрь, якшанба
Минтақа:
ЎЗ UZ RU EN
Янгиликлар

Аллоҳни севсангиз, менга эргашинг!

15:25 / 08.12.2018 2772 pdf Ўқиш режими + -

Халқимизда  ҳар  йили  ҳижрий  йил ҳисоби бўйича Рабиъул-аввал ойи келганда “мавлид” маросимини ўтказиш анъанага айланган.

“Мавлид” сўзи луғатда  “Мавлидун-набий” ёки “ал-набавий” тарзида қўлланиб, Муҳаммад алайҳиссаломнинг таваллуд топган кунларини  англатади.

Кўплаб  мусулмон  мамлакатларида кенг тарқалган мавлид маросими, одатда рабиъул-аввал ойининг 12-кунида ҳеч бир бидъат-хурофотсиз нишонланади.  Кўпгина  араб мамлакатлари, шунингдек, юртимизда ҳам мазкур кунда Имом Абу Жаъфар Барзанжий қаламига мансуб араб тилида ёзилган “Мавлид ан-набий” номи билан машҳур қасидасини ўқиш учун масжид ва хонадонларда  маросимлар ўтказилади.

Ана шундай маросим жорий йилнинг 8 декабрь куни “Hilol-nashr” матбаа нашриёти ҳамда islom.uz портали таҳририяти томонидан “Аллоҳни севсангиз, менга эргашинг!” шиори остида ташкил этилди. Мавлид тадбири доирасида «Islom.uz» порталининг анъанавий «Islom.uz – 1439» танлови ғолибларини тақдирлаш маросими ҳам бўлиб ўтди.

Тадбирда Тошкент шаҳри ва Тошкент вилояти жоме масжидларининг имом-хатиблари, имом-ноиблари, диний таълим муассасалари талабалари, бир қатор адиблар ва меҳмонлар иштирок этишди.

Анъанага кўра, Қуръони карим тиловатидан сўнг, сўз “Hilol-nashr” матбаа нашриёти раҳбари Исмоил Муҳаммад Содиққа берилди. Маърузачи ўз сўзларида Мавлиди шарифнинг мазмун-моҳияти ҳақида гапириб, жумладан шундай дедилар:

– Бугунги тадбирдан кўзланган мақсад – Пайғамбаримиз саллоллоҳу алайҳи васалламнинг ҳадисларига биноан у зотга жамоат  бўлиб  дуруд  салавотлар  йўллаш, у зотнинг сийратларидан хабардор бўлиш, одоб-ахлоқлари, бошқаларга яхшилик қилиш, ота-она ва катта ёшдагиларни ҳурмат қилиш, ҳалол-ҳаромнинг фарқига бориш, оила, фарзандларга ғамхўрлик қилиш, қўни-қўшнилар билан чиройли муносабатда бўлиш каби инсоний гўзал муомалаларни ўрганишдан иборат.

Шундан сўнг, Ҳасанхон Яҳё Абдулмажид ўз чиқишларида Расулуллоҳ соллаллоҳу алайҳи васалламга эргашишнинг заруратини саҳобаларнинг ҳаётларидан келтирган мисоллар билан тушунтириб бердилар. 

“Усмон ибн Мазъун” жоме масжиди имом-хатиби Исҳоқжон домла Бегматов эса суннатнинг диндаги ўрни ва муҳим аҳамиятини оятлардан келган далиллар билан изоҳлаб бердилар.

“Ислом ота” жоме масжиди имом-ноиби Ҳасанхон Яҳё Абдулмажид бошчилигидаги қорилар гуруҳи ҳамда ёш иштирокчилар томонидан Саййид Жаъфар ибн Ҳасан Барзанжийнинг “Мавлидун-набий” китобидан парчалар, Пайғамбаримиз саллоллоҳу алайҳи васалламга бағишланган қасидалар ўқилди, нашидлар айтилди. Бу ўқилган нашидлар тадбирга кўтаринки руҳ бағишлади.

Маросимнинг иккинчи қисми ҳам ғоятда қизиқарли, таассуротларга бой ва ҳаяжонларга лиммо-лим бўлди. Бунда “Hilol-nashr” матбаа нашриёти томонидан кўзи ожиз Қуръон мухлисларига Брайл ёзувидаги Мусҳафлар ҳамда Қуръони карим ёзилган аудиодисклар ҳадя этилди.

Кейин навбат «Islom.uz» порталининг анъанавий «Islom.uz – 1439» танлови ғолибларини тақдирлаш маросимига келди.

Ҳакамлар ҳайъати аъзолари танловда иштирок этган барча мухлисларни самимий муборакбод этдилар. Шундан сўнг, танловга юборилган асарларнинг савияси, аҳамияти, сифати ва даражалари ҳамда уларга қўйилган баҳоларни ҳисобга олган ҳолда, танлов ғолибларини эълон қилдилар.

Унга кўра, фахрли 1-ўрин – Муҳаммад Одил, 2-ўрин – Суннатуллоҳ Абдулбосит, 3-ўрин эса – Санжар Қобил ва Фотима Алийларга насиб этди.

Шунингдек, Амруллоҳ Форсий, Даврон Нурмуҳаммад, Ихтиёржон Пўлатовлар танловнинг фаол иштирокчиларига айланишди.

Суннатуллоҳ Абдулбосит, 2-ўрин соҳиби:

– «Islom.uz» портали анъанавий «Islom.uz – 1439» танловида иштирок этганимдан жуда ҳам шодман. Тўғриси, ғолиб бўламан, деб ҳеч ўйламаган эдим. Аллоҳга шукрки, мана шу нарса менга насиб қилган экан. Келгусида бундай тадбирларнинг янада кўпайишини, уларнинг бардавом бўлишини, ўзимиз ўйлагандан ҳам афзал бўлишини Ҳақ субҳанаҳу ва таолодан сўраб қоламан. Ушбу тадбирни ташкил қилганларга ҳам чуқур миннатдорчилик билдираман.

Тадбир сўнггида ғолибларга ташкилотчилар томонидан дипломлар, эсдалик ва қимматбаҳо совғалар ҳадя этилди.

Шу ўринда алоҳида таъкидлаб ўтиш жоизки, «Islom.uz» портали томонидан анъанавий тарзда ташкил этиб келинаётган мазкур танлов келаси – 2019 йилда ҳам давом эттирилади. Бу ҳақидаги хабар ва янгликлар порталимиз ҳамда ижтимоий тармоқдаги каналларимиз орқали маълум қилинади. Барча мухлисларимиздан «Islom.uz» порталининг навбатдаги танловида ҳам билим ва тажрибалари, қобилият ва кўникмаларини синаб кўриш учун  ўз асарлари билан фаол иштирок этишларини сўраб қоламиз.

Азизлар, бизни кузатишда давом этинг.


Islom.uz портали таҳририяти

Мавзуга оид мақолалар
Бу ҳақда IQNA хабар бермоқда. Индонезия Дин ишлари вазирлиги Ҳаж ва умра хизматлари бош мудири Рамазон Ҳариссменнинг маълум қилишича, 2015ndash2018 йиллар орасида олиб давоми...

1403 12:32 / 07.02.2019
Умрлар бор тириклигида ўликдир. Умрлар бор киши вафотидан кейин ҳам тирикдир...Кеча таровеҳ намозидан қайтар эканман, телефонимда islom.uz канали орқали Шайх давоми...

4270 15:04 / 13.04.2022
Ўзбекистон мусулмонлари идораси тасарруфидаги олий ва ўрта махсус диний таълим муассасаларига 20232024 ўқув йили учун абитуриентларнинг ҳужжатлари оффлайн шаклда, давоми...

472 10:51 / 15 июнь
Пайғамбар Муҳаммад соллаллоҳу алайҳи ва саллам ҳаётликларида қурилган масжид яқин келажакда Ҳиндистонда очилади.Мусулмонлар масжиди Ҳиндистон ярим ороли давоми...

1598 11:00 / 30.09.2021
Аудиолар

107501 11:58 / 10.10.2018
«Ҳилол» журнали
Китоблар

31903 14:35 / 11.08.2021