1441 йил 7 шаввол | 2020 йил 30 май, шанба
Минтақа:
ЎЗ UZ RU EN AR
Тафсир

Аллоҳ уларни лаънатлади

15:06 / 21.11.2018 1937 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло Тавба сурасида шундай марҳамат қилади:

ﯜ ﯝ ﯞ ﯟ ﯠ ﯡ ﯢ ﯣ ﯤﯥ ﯦ ﯧﯨ ﯩ ﯪﯫ ﯬ ﯭ ﯮ ﯯ

“Аллоҳ мунофиқларга, мунофиқаларга ва кофирларга жаҳаннам оташини унда мангу қолувчилар қилиб ваъда қилди. Ўша улар учун етарлидир. Ҳамда Аллоҳ уларни лаънатлади. Уларга доимий азоб бордир” (68-оят).

Ушбу ояти каримада мунофиқларга бериладиган жазоларнинг охиратдагиси ва энг улуғи улгуржи равишда тафсилотсиз баён этилмоқда:

«Аллоҳ мунофиқларга, мунофиқаларга ва кофирларга жаҳаннам оташини унда мангу қолувчилар қилиб ваъда қилди».

Ушбу жумлада умумлаштириб, «мунофиқларга» деб қўявермасдан, алоҳида-алоҳида қилиб, «мунофиқларга, мунофиқаларга ва кофирларга», дейилиши ҳам уларга охиратда бўладиган азоб шиддатли бўлишини таъкидлайди. Аллоҳ таоло тамонидан жаҳаннам оташининг ваъда қилиниши эса уларнинг жаҳаннам оташида жизғинак бўлиб куйишларига заррача ҳам шубҳа йўқлигини билдиради. Чунки Аллоҳ таолонинг ваъдаси ҳақдир. Мазкур мунофиқ ва кофирлар жаҳаннам оташида бир марта ёки маълум муддат куйиб, сўнгра қутулиб қолмайдилар. Балки

«Ўша улар учун етарлидир».

Шундай бўлса ҳам, уларга яна бошқа азоб-уқубатлар ҳам бор.

«Ҳамда Аллоҳ уларни лаънатлади. Уларга доимий азоб бордир».

Буларнинг ҳаммаси уларнинг қилмишларига муносиб жазодир.

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Аллоҳ таоло Мулк сурасида шундай марҳамат қилади Ва сўзингизни сир тутасизми ёки ошкора айтасизми, албатта, У кўкслардагини ҳам ўта билувчидир. Мулк сураси, давоми...

1655 09:05 / 12.09.2019
.Одамларни яхшиликка буюриб туриб, ўзингизни унутасизми Ҳолбуки, Китобни тиловат қиляпсизку. Ақл юритмайсизларми, 44оят.Маълумки, яҳудийлар ва хусусан, давоми...

1461 15:36 / 24.10.2018
.Эй Муҳаммад Ва улар тижорат ёки ўйинкулги кўрганларида, у томон ёпирилдилар ва сени тик ҳолда тарк этдилар. Сен .Аллоҳнинг ҳузуридаги нарса давоми...

2831 10:04 / 26.01.2019
Аллоҳ таоло Қуръони Каримда шундай марҳамат қиладиАллоҳ ndash Ундан ўзга илоҳ йўқ. У Ҳайй ва Қойюмдир. Уни мудроқ ҳам, уйқу ҳам олмас. Осмонлару ердаги нарсалар давоми...

801 15:35 / 20 апрель
Видеолар

246 18:32 / 23 май
Аудиолар

37185 11:58 / 10.10.2018
«Ҳилол» журнали
Топ рейтинг www.uz Openstat