1440 йил 19 зулқаъда | 2019 йил 22 июль, душанба
Минтақа:
ЎЗ UZ RU EN AR
Янгиликлар

Юртдошларимизнинг дастлабки гуруҳи Умрага жўнаб кетди

09:20 / 29.10.2018 584 pdf Ўқиш режими + -

Ўзбекистонлик зиёратчиларнинг дастлабки гуруҳи Умра сафарига жўнаб кетди. Бу ҳақда ЎзА хабар берди.

“Мамлакатимизда миллий-диний қадриятларимизни асраб-авайлаш ва ривожлантиришга қаратилаётган алоҳида эътибор, жумладан, жорий этилаётган қулайликлар юртдошларимизнинг кўнглини кўтариб, мамлакатимиздаги тинчлик-осойишталик ва бағрикенглик муҳитига шукроналик келтиришида муҳим омил бўлмоқда”, дейди Дин ишлари бўйича қўмита раиси ўринбосари.

Умра мавсумини юқори савияда ташкил этиш учун барча чора-тадбирлар кўрилди. Зиёратчилар учун қулай шарт-шароит яратиш, уларнинг саломатлигини муҳофаза қилиш ва хавфсизлигини таъминлаш мақсадида, Ўзбекистон мусулмонлари идораси, Ички ишлар ва Соғлиқни сақлаш вазирликлари, Давлат божхона қўмитаси ва бошқа мутасадди ташкилотлар томонидан тегишли ишлар амалга оширилмоқда. Ҳаж ва Умра амалларини ташкил этиш ва ўтказиш масалалари бўйича Жамоатчилик кенгаши томонидан юртдошларимизга хизмат кўрсатиш ишлари мувофиқлаштириб борилмоқда.

Ҳаж ибодатларини тўла-тўкис адо этиш, бу борадаги тартиб-қоидалар, шунингдек, сафар талаблари хусусида тушунтириш бериш мақсадида жойларда зиёратчилар гуруҳлари учун сафаролди учрашувлари ташкил этилди.

Ватандошларимиз Мадина шаҳридаги муқаддас қадамжоларни зиёрат қилганидан сўнг Макка шаҳрига йўл олишади. Зиёратчилар учун мавсум давомида 5 юлдузли меҳмонхона, ошхона ва транспорт хизматлари юқори савияда ташкил этилади.

Аввал хабар қилинганидек, ҳукумат қарори билан жорий йилдан Умра мавсуми йил бўйи узлуксиз давом этиши эълон қилинди. Илгари муайян ўзбекистонлик зиёратчилар Умра сафарига отланган бўлса, ҳозирда бу чекловлар олиб ташланди.

2019 йилдан бошлаб йилига минглаб ватандошларимиз умра амалларини бажариш имконига эга бўлишади.

Islom.uz портали таҳририяти

Манба
Uza.uz
Мавзуга оид мақолалар
Манба ЎМИ матбуот хизмати

1331 06:15 / 14.07.2018
Мавлид ойи муносабати билан Бантане шаҳридаги Мавлоно Малак Ҳасан алДин университетида ташкил этилган тадбир Қуръони карим тиловати билан бошланиб, махсус давоми...

851 13:35 / 24.11.2018
Мьянмадаги босимлар туфайли Бангладешга кўчиб ўтиб, муҳожиротда яшаётган араканли мусулмонларни ижтимоий ва гуманитар қўллабқуватлаш учун Жаҳон банки томнидан давоми...

339 15:07 / 11 март
Бугун, 2019 йил 24 май куни Туркиянинг Истанбул шаҳридаги энг катта Жамлича жоме масжидида VII халқаро Қуръон мусобақасининг финал босқичи бўлиб ўтмоқда, деб хабар давоми...

204 11:10 / 24 май
Топ рейтинг www.uz Openstat