1442 йил 11 рабиъул аввал | 2020 йил 28 октябрь, чоршанба
Минтақа:
ЎЗ UZ RU EN
Рамазон

Рамазоннинг ғайритабиий нури

15:47 / 08 май 1921 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Пайғамбар соллаллоҳу алайҳи васаллам дедилар: (Аллоҳ таоло айтди:) Шаҳодат, намоз, ҳаж, закот, жиҳод  – ўзингиз учун, рўза эса – Мен учундир”.

Муборак Рамазонда рўза тутишнинг ички маъноси – бу, нафақат кўзга кўринарлик даражада иймон кучини, ўзининг Аллоҳга бўлган талпинишини ҳис этиш, балки Аллоҳнинг яқинлашишини, Унинг сенга бўлган яқинлигини, сен орқали Уни намоён бўлишини англаш ҳамдир.

Рамазон рўзаси (шунинг учун ҳам бу ой муқаддас деб аталади), - бу нафақат сенинг Унга талпинишининг, балки Аллоҳнинг ҳам сенга алоҳида талпинишидир. Нима учун? Чунки, бу дунё яратилишидан аввал, У сен билан тузиб қўйган аҳду-паймонини эслашинг учун: “Мен сизларнинг Роббингиз эмасманми?”.

Бироқ бу хотира – интеллектуал, енгил ва мавҳум тушунча эмас, балки, чуқур, шахсий, қайталанмас ва муқаддас руҳий кечинмадир.

Яна, аҳду-паймонни эслаш, англаш – бу “ҳозир ва шу дамда” дегани, яъни бу ердаги ҳаётингда, Аллоҳ, фақат сен учун берган топшириғини бажаришдек, ягона мақсадингни ҳис қилиб яшашингдир.

Бу сенинг ҳаётинг, ва унда нималар содир бўлишидан қатъий назар, ҳеч нима тасодифан содир бўлмаган. Қудратли Аллоҳ таоло ҳеч нимани тасодифан содир қилмайди, чунки, У ҳамма нарсани олдиндан тақдир қилиб қўйган.

Расулуллоҳ соллаллоҳу алайҳи васаллам дедилар: “Қазои-қадарга иймон келтириш – Исломнинг бир қисмидир”. Ва яна: “Кимки қазои-қадарга иймон келтирмаса, у биз билан эмас!”.

Бинобарин, бу дунёда, тасодиф бўлмаганидек, ҳамма нарса олдиндан тақдир қилинган. Аллоҳ таоло Қуръонда кескин таъкидлайди: “Мен Вақтичоғлик учун сизларни яратмадим”.

Бу дунёда, инсон ҳаётининг ҳаёлий қарама-қаршиликлари нималардан иборат? Энг биринчи ўринда, инсон ўз ҳаёти давомида, онгли равишда, аниқ бир мақсадга юзланиши керак. Ҳар бир инсон, якуний маъносини ифодаловчи, ўз тақдирий мақсади билан туғилади. Ва бу мақсадни унга на ота-онаси, на ижтимоий-иқтисодий муҳити, на ҳукумат ва партиялари, ва на ижтимоий ва моддий маданият тараққиёти тақдир қилмаган, балки фақат ва фақат Аллоҳ таоло тақдир этган. Фақатгина чин кўнгилдан ва чуқур иймон келтирган мусулмонгина бу мақсадни тушуниши, идрок этиб, англаши ва бажариши мумкин.

Буюк аллома ва шоир Жалолиддин Румий, бу ҳақда муросасиз равишда шундай деган: “Ҳар ким ўз мақсади билан туғилади. Агар бу мақсадни бажара олмаса, демак у ҳаёти мобайнида ҳеч нима қилмабди”.

Ердаги инсоният ҳаёти давомида, мутлақо оммавий тақдири, икки ҳил йўсинда намоён бўлади. Биринчидан, бу мақсадни, сендан бошқа ҳеч ким бажара олмайди.

Иккинчидан, бу вазифани, мақсадни англаб, тушуниб, бажаришни фақат Аллоҳ таолонинг ёрдами билан, фақат Унинг Ўзи билангина эплай оласан. Чунки, бу мақсадни нафақат ўзинг учун, балки ҳеч нимага муҳтож бўлмаган Қодир Аллоҳ учун ҳам амалга оширасан. Шунинг учун Аллоҳ таоло деди:  “Рўза – Мен учундир”.

Муаллиф
islom.uz
Мавзуга оид мақолалар
Меҳмондўстлик ndash Исломнинг гўзал кўрсатмаларидан бири. Ислом арконларига амал қилган мусулмонлар, энг меҳмондўст халқлардан ҳисобланишлари бежизга эмас. давоми...

1864 13:49 / 13.06.2018
Муборак Рамазон ойи якун топди, энди шу вақт оралиғида нималарни якка ва умумий тартибда ўрганганимиз ҳақида ўйлаш вақти келди ndash ҳар биримиз Абадий, Энг Олий, давоми...

2044 12:38 / 14.06.2018
Рамазон ойидаги рўза сабабли ҳиндистонлик Рахул исмли йигит Исломни қабул қилди. Рахулнинг қиссаси қандай Қандай қилиб у Исломга кирди Рамазон ойи ва ундан кейин давоми...

3789 14:18 / 17.05.2018
1194. Абу Ҳурайра розияллоҳу анҳудан ривоят қилинади .Набий соллаллоҳу алайҳи васаллам .Сизга муборак Рамазон ойи келди. Аллоҳ азза ва жалла сизга унинг рўзасини давоми...

3522 18:26 / 18.05.2018
Топ рейтинг www.uz Openstat