илон, кабутар, типратикон, тошбақа кабиларни гўштини истеъмол қилса бўладими?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Ҳурматли Шайх жаноблари, илон, кабутар, типратикон, тошбақа кабиларни гўштини истеъмол қилса бўладими? Қайси сабабларга кўра мумкин ёки йўқ?
ЖАВОБ: Бисмиллаҳир роҳманир роҳийм.
Набий соллаллоҳу алайҳи васалламнинг ҳузурларида типратикон зикр қилинди. Бас, у зот:
«У ифлослардан бир ифлосдир», дедилар».
Абу Довуд ва Аҳмад ривоят қилган.
Бу ҳадиси шарифдан типратикон ҳам ҳаром эканлиги келиб чиқади. Шунингдек, сичқон, калтакесак, илонлар ва уларнинг тоифасига ўхшаш бошқа зараркунанда ҳайвончалар ҳам ҳаромдир.
Ҳам сувда, ҳам қуруқликда яшайдиган ҳайвонлар. Бу турдаги ҳайвонларга бақа, тошбақа, саратон (қисқичбақа) илон, тимсоҳ кабилар киради. Ҳанафий мазҳаби бўйича мазкур турдаги барча ҳайвонлар ҳаромдир.
Паррандалардан тирноқли чангали бўлмаган ва хонакилаштирилганлари, товуқ, кабутар, туяқуш, ўрдак, ғоз кабилар ҳалол. Валлоҳу аълам.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
