Рамазоннинг охирги ўн кунлиги бошланди
Оиша розияллоҳу анҳодан ривоят қилинади:
«Расулуллоҳ соллаллоҳу алайҳи васаллам: «Қадр кечасини Рамазоннинг охирги ўн кечасининг тоқ (кеча)ларидан изланглар» дедилар.
Имом Бухорий ва Имом Муслим ривоятлари.
Яна ўша кишидан ривоят қилинади:
«Набий соллаллоҳу алайҳи васаллам (охирги) ўн кунлик кириб келса белбоғларини маҳкам боғлардилар, кечаларини тирилтирар ва аҳлларини уйғотардилар».
Имом Бухорий ривояти.
Қадр кечасининг
1 сонияси 23 соатдан афзал;
1 дақиқаси 58 кундан афзал;
1 соати 9 йилу 8 ойдан афзал;
1 кечаси 83 йилу 3 ойдан афзал.
Бу йилги Рамазон ойининг охирги тоқ кечалари:
21 кеча: 20 март (пайшанба)дан — 21 март (жума)га ўтар кечаси;
23 кеча: 22 март (шанба)дан — 23 март (якшанба)га ўтар кечаси;
25 кеча: 24 март (душанба)дан — 25 март (сешанба)га ўтар кечаси;
27 кеча: 26 март (чоршанба)дан — 27 март (пайшанба)га ўтар кечаси;
29 кеча: 28 март (жума)дан — 29 март (шанба)га ўтар кечаси.
Минг ойдан афзал ушбу кечани ғанимат билиб, уни тоат-ибодат билан ўтказишга ғайрат қилайлик.
Рамазоннинг охирги ўн кунлигида кўпроқ
зикр ва дуо қилинг;
Қуръон тиловат қилинг;
нафл намозларни ўқинг;
закотингизни беринг;
Аллоҳ таолонинг мағфирати ва раҳматини сўранг.
ҳар куни хайр-эҳсон қилинг;
фитр садақасини беринг!
Аллоҳим, раҳматинг ва марҳаматинг билан бизларни Рамазонга етказдинг! Ундан жаннатни қўлга киритиб, тақвомизни мустаҳкамлаб, қалбларимизни ислоҳ қилиб чиқишимизни насиб эт!
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
