Рамазон яқин…
Бошимизга ойлар султони Рамазон соя солиб турибди. Бир неча кундан кейин бутун Ислом олами Ислом динининг учинчи рукни бўлган Рамазон рўзасини тута бошлайди.
Айни кунларда ушбу қутлуғ ойга қизғин тайёргарлик кўриляпти.
Жумладан, Тошкент вилоятининг барча туман ва шаҳарларидаги жомеъ масжидларда Рамазон ойи арафасида ҳашар ўтказиляпти.
Масжидлар, хонақоҳлар тозаланиб, жомеъ ҳовлилари супурилиб-сидирилиб, шай ҳолга келтирилмоқда. Масжидлар чироқлари алмаштириляпти. Таҳоратхоналар мўмин-мусулмонларнинг покланишлари учун тоза-озода қилиняпти.
Масжидлар ҳовлиларига кўчатлар экиляпти.
Бир сўз билан айтганда муборак Рамазон ойини юксак савияда кутиб олиш, бу ойда қалблар поклангани сингари жомеълар ҳам озода қилиняпти.
Аллоҳ таоло барчамизга Рамазонни муборак қилсин!
Тошкент вилояти вакиллиги матбуот хизмати
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
