Аввод Маҳмуд Аввод
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Доктор Аввод Маҳмуд Аввод Солим 1977 йилда Мисрнинг Қалюбийя муҳофазасида туғилган.
2000 йилда Мисрдаги «Ал-Азҳар» дорулфунуни «Дин асослари» факультетининг «Ақида ва фалсафа» кафедрасини тамомлаган.
2010 йилда «Ал-Азҳар» университетида докторлик диссертациясини ҳимоя қилди. Шу йилдан «Дин асослари» факультети декани этиб тайинланган ва мазкур бўлимда устозлик қилиб, талабаларга дарс бериб келади. Ҳозирда ушбу факультетнинг «Ақида ва фалсафа» кафедраси мудири лавозимида фаолият юритмоқда.
Доктор Аввод Маҳмуд Аввод кўплаб асар ва тадқиқотлар муаллифи саналади. Унинг «Мотуридийлик калом мактаби» асарига соҳа мутахассислари томонидан катта қизиқиш билдирилган.
Маълумот ўрнида: 2023 йил доктор Аввод Маҳмуд Солим Имом Бухорий номидаги Тошкент ислом институти, Имом Бухорий халқаро илмий-тадқиқот маркази, Абу Бакр Қаффоли Шоший ва Бароқхон мадрасаларига ташриф буюриб, Мусҳафи Усмонни зиёрат қилганди, Ўзбекистондаги Ислом цивилизация маркази қурилиши ва ундаги барпо қилинадиган бўлимлар билан танишганди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
