Ҳикматлар хазинаси
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Дўстинга қарз беришдан олдин яхшилаб ўйлаб кўр. Чунки баъзи ҳолатларда дўстдан ҳам пулдан ҳам айрилишинг мумкин.
***
Хотиранга кўп ҳам ишонаверма! Эшитган, ўқиган, кўрган нарсаларингни қоғозга ёзиб қўй!
***
Уй сотиб олаётганингизда уч муҳим нарсага эътиборли бўлинг!
Жойлашаган ўрнига;
Жойлашган ўрнига;
Жойлашган ўрнига.
***
Бирор кишини ишга ёнласангиз ишни тугатмай туриб ҳақини берманг!
***
Жуфт танлаётганингизда ўзингизга эътиборли бўлинг! Чунки саодатингиз ёки бахтсизлингизнинг 90%га шу хотин сабаб бўлади.
***
Эртага яхши ғайрат билан ишламоқчи бўлсангиз, бугун вақтида ухланг!
Бошқа иш топмай туриб ишингизни ташламанг!
***
Дўстингиздан машинани олиб турган бўлсангиз қайтараётганда ёқилғисини тўлдириб беринг! (Агар имконингиз бўлса бировдан нарса сўрашга одатланманг!)
***
Телефон ҳаётингизнинг энг гўзал лаҳзаларини барбод қилишига йўл қўйманг! Унутманг, телефон сизнинг роҳатингиз, хизматингизни бажариб, узоғингизни яқин қилиши учун ишлаб чиқарилган.
***
Онангиз сизга «Бу ишинга ҳали пушаймон бўласан», деб айтаётган бўлсалар, кўп ҳолларда сиз ўша ишга чиндан ҳам пушаймон бўласиз.
***
Шижоатли бўлинг, агар бўла олмасангиз унда ўзингизни шижоатли қилиб кўрсатинг. Бирорта инсон буни фарқига бормайди.
***
Яхши китобни учратиб қолсангиз, ҳозир мутолаа қилмасангиз ҳам сотиб олаверинг.
***
Уч марта муваффақиятсизликка учраган киши билан шерикчилик алоқаларини боғламанг!
***
Фарзандларингиз ўн олти ёшга етганда уларни меҳнатга ўргатинг. Агар ундан аввалроқ қизиқтира олсангиз яна яхши.
***
Эшитган ҳамма нарсангизни тасдиқлайверманг. Қўлингиздаги ҳамма пулни инфоқ қилаверманг!
***
Охири йўқ баҳсларни бас қилинг, саломатлингизни ўйланг!
***
Баҳс мунозара пайтида ўзингизни ҳамма нарсани билувчи, хато қилмайдиган олим деб ҳисоблаб олманг. Агар шундай қилсангиз, кўпчилик сизни ёқтирмай қўяди. Хато қилганда уни тан олишни ва узр сўрашни ўрганинг!
Аллоҳ таоло ушбу ҳикмат ва насиҳатлардан фойда олишимизни насиб этсин. Омин!!!
Нозимжон Ҳошимжон таржимаси
Хуршид Маъруф тайёрлади
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
