Ал Азҳар уламолари Қуръоннинг янги тафсири ҳақидаги таклифга муносабат билдиришди
Миср сенати Қуръони Каримнинг «Замонавий тафсир» деб аталадиган таклифни кўриб чиқиш тўғрисидаги қонуни мамлакат диний доираларида баҳс-мунозараларга сабаб бўлди.
Ал Азҳар университети фалсафа профессори Амина Носир парламентнинг гўёки замонавий ва тегишли шарҳ таклиф қилиш таклифини оқилона эмас деб топди.
«Мен бу жумлани тўғри деб ҳисобламайман, чунки у Аллоҳнинг Китобига путур етказиши мумкин. Шунинг учун бу масалага жиддий ёндашиш керак, токи малакасизлар бу ҳудудга кирмасин», дейди Носир.
Ал Азҳар илмий кенгаши аъзоси, университетнинг замонавий ҳуқуқ профессори Фатҳи Усмон ал Фаҳий ҳам Миср сенатининг Қуръоннинг кенг қамровли талқини лойиҳасини замонавий тарзда ишлаб чиқиш таклифига жавоб берди.
Ал Фаҳий Cairo 24 телеканалига берган баёнотида шундай деди: «Қуръони Каримнинг ҳар қандай тафсири у ҳақида ўз фикрини билдириш учун исломшунослар олимлар ва шу каби соҳа мутахассислари томонидан мукаммал ўрганилиши ва тафсири Қуръони Карим тамойилларига мувофиқ бўлиши керак».
Юсуф Амер раислигидаги Миср сенатининг Дин ишлари ва вақфлар қўмитаси ўтган якшанба куни Қуръони Каримнинг мўътадилликни акс эттирувчи замонавий кенг қамровли талқини ҳақидаги таклифини кўриб чиқиш учун иккинчи йиғилишини ўтказди.
Араб оммавий ахборот воситалари ҳам Миср сенатининг таклифини танқид қилиб, уни мусулмонларнинг энг муқаддас бойлиги Қуръонни ҳукуматларга хизмат қилиш ёки «Иброҳимий динлар» атамасини қўллаб-қувватлаш учун бузиб кўрсатиш, айниқса Исроил билан нормаллашув тўлқини сифатида таърифлади.
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
