1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Янгиликлар

Қирғизистон уламолари «Hilol nashr» нашриёт-матбаасига ташриф буюришди

19:40 / 22.11.2021 1229 pdf Ўқиш режими + -

Бугун, 2021 йил 22 ноябрь куни Қирғизистон мусулмонлари диний идораси раиси, муфтий Замир домла Ракиев бошчилигидаги делегация Тошкент шаҳридаги фазилатли шайх Муҳаммад Содиқ Муҳаммад Юсуф роҳимаҳуллоҳ асос солган «Hilol nashr» нашриёт-матбаасига ташриф буюришди. «Hilol nashr» нашриёт матбааси ҳамда islom.uz портали раҳбари, «Шайх Муҳаммад Содиқ Муҳаммад Юсуф» жомеъ масжиди имом-хатиби Исмоил домла Муҳаммад Содиқ ва бошқа азизларимиз мартабали меҳмонларни кутиб олиб, ҳамроҳлик қилдилар.

Ташриф давомида меҳмонлар нашриёт босмахонаси, ижодий жамоаси ҳамда савдо дўкони билан яқиндан танишдилар. Сўнгра азиз уламоларга тушлик дастурхони безатилди. Меҳмонлар устозимиз, фазилатли шайх Муҳаммад Содиқ Муҳаммад Юсуф ҳазратларининг дин йўлидаги хизматларини эътироф этиб, у кишининг ишлари давом этаётганидан, солиҳ фарзандларининг меҳнатларидан кўзлари қувнаб, хурсанд бўлишди. Шунингдек, шайх ҳазратларининг асарларини қирғиз тилида чоп этиш масалалари ҳам муҳокама қилинди.

Кейин азиз уламолар нашриётнинг мажлислар залида 10 та Қуръон хатмонасини шайх ҳазратларига бағишладилар ва Аллоҳ таолодан халқимиз тинчлиги, фаровонлигини сўраб, икки мамлакат ўртасидаги алоқалар бунданда ривожланиши ҳамда мустаҳкамланиши учун хайрли дуолар қилишди

Ташриф сўнгида мартабали меҳмонларга нашриёт томонидан чоп этилган 30 поралик тажвидли мусҳафи шариф ва эсдалик совғалар ҳадя этилди.

Манба
islom.uz
Мавзуга оид мақолалар
Соҳа мутахассисларининг маълумотларига кўра, инсоннинг бошида тахминан уч юз минг дона соч толаси бўлар экан. Ҳар бир тола остида вена, артерия қон томирлари, асаб давоми...

1599 15:36 / 25.10.2023
Сўнгги вақтларда атрофимизда йўлтранспорт ҳодисалари шунчалик кўпайдики, агар яқинларимизга тааллуқли бўлмаса, уларни эътиборга олмайдиган ҳолатга келиб давоми...

1149 17:13 / 14.11.2021
2022 йил 11 июнь куни Россиянинг Саратов шаҳрида Волгабўйи мусулмонлари идораси ҳамда .Турон, ўзбек миллиймаданий маркази ҳамкорлигида Волга Булғори Исломни қабул давоми...

816 16:00 / 13.06.2022
Бугун Таиланд пойтахти Бангкокда ЖанубийШарқий Осиё мамлакатлари саммити АСЕАН ўз ишини бошлайди. Қатор инсон ҳуқуқларини ҳимоя қилиш ташкилотлари ташкилотнинг давоми...

1778 10:48 / 20.06.2019
Аудиолар

118746 11:58 / 10.10.2018
«Ҳилол» журнали
Китоблар

40707 14:35 / 11.08.2021