Adidas бренди мусулмон аёллар учун сузиш кийимларини чиқарди
Adidas бренди бутун танани ва сочларни яширадиган сузиш кийимларининг биринчи коллекциясини ишлаб чиқарди. Бренд вакилларининг сўзларига кўра, сузиш кийими коллекцияси танани беркитади ва барча аёлларга мўлжалланган.
Чўмилиш костюмлари бир зумда қурийдиган ва хлорга чидамли матодан тайёрланган. Бундан ташқари, материал экологик жиҳатдан қулай бўлиб, у бир неча бор қайта ишланган сифатли толалардан иборат.
Adidas буркинида ҳар қандай тафсилот ўйланган. Масалан, сузиш пайтида енглар кўтарилмаслиги учун уларнинг бош бармоғида тешиклари бор ва костюмнинг устки қисми қисқичлар туфайли маҳкам ушланган.
Унинг дизайн кўринишини тайёрлашда сузиш пайтида бош кийимининг силжиб кетмаслиги олди олинган.
Мусулмонлар сузиш кийимларини adidas.cом сайтидан фойдаланган ҳолда буюртма бериб, турли ранг ва ўлчамларда олишлари мумкин.
Хуршид Маъруф тайёрлади
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
