18 ёшли йигит Қуръон ўқиб туриб вафот этди
Бу воқеа бир неча йил олдин содир бўлган. Яманлик йигит мамлакат жанубидаги Адан вилоятининг масжидларидан бирида бомдод намозини адо этгандан сўнг, Қуръони Каримни ўқиб ўтирган чоғида вафот этди.
Маҳаллий нашрларнинг хабар беришича, Марвон Муҳаммад Носир Аллов исмли 18 ёшли бу йигит юрак хуружи натижасида вафот этган. Бу пайтда у уйига яқин «Раҳмат» номли масжидда бомдод намозини жамоат билан адо этгач, Қуръони Каримни тиловат қилиб ўтирган эди.
Масжиддаги бир неча йигитлар уни зудлик билан Адандаги шифохоналардан бирига олиб боришган. Лекин бу пайтда Марвон ҳаётдан кўз юмиб бўлган эди.
Манбаларнинг таъкидлашича, йигитнинг жанозаси ўзи вафот этган масжидда пешин намозидан сўнг адо этилган ва у Адан вилоятининг Бурайқа мудирлиги (тумани)даги «Шаҳидлар» қабристонига дафн этилган.
Яқинларининг айтишича, Марвон Муҳаммад Носир намозларини ўз вақтида адо этадиган, кўплаб гўзал хулқлар ва мақталган хислатлар соҳиби бўлган йигит бўлиб, мана шу фазилати сабабли кўпчилик ўртасида ҳурмат-эҳтиром қозонган эди.
Манба: IQNA.IR/AR
Нозимжон Ҳошимжон тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
