Блэкбурнда 5 миллион евролик масжид лойиҳаси тасдиқланди
ASDA супермаркет биносини миллиардер ака-ука Зубер ва Моҳсин Исса 6,8миллиард еврога сотиб олишди ва бу ерда масжид қуришни режа қилишган. Ушбу масжиднинг қурилиш лойиҳаси тасдиқланди. Зубер ва Моҳсин Исса томонидан тақдим этилган лойиҳа масжид майдонининг катталиги ва юзага келиши мумкин бўлган тирбандлик сабабли қаршиликларга учради. Бундан ташқари, қурилмоқчи бўлган масжид ер майдонидаги дарахтларнинг кесилиши ҳам кўпчиликни ташвишга солди. Issa Foundation масжид қурилиши билан боғлиқ 21та эҳтимолий муаммоларни ҳал этишга розилик берганидан сўнг шаҳар консуллиги лойиҳани тасдиқлади. Лойиҳа раҳбарлари барпо этилаётган масжид маданиятлараро тотувлик, уларни ҳурмат қилиш ва англаш хислатларини намоён қилади дея ишонишмоқда.
Issa Foundation томонидан сўзга чиққан вакил: «Компаниямиз шаҳар аҳолиси учун ибодат ва жамоавий марказ бўлиши кўзда тутилган масжид лойиҳасини тақдим қилганидан жуда мамнун. Қийин вазиятларни ҳал қилишда жамоа бўлиб ҳаракат қилиш муҳимдир ва биз инсонларнинг диний ҳамда ижтимоий зарурати бўлмиш бу каби биноларни қуришга ҳисса қўшаётганимиздан хурсандмиз», дея нутқ сўзлади.
Issa компанияси йўл кесишмасидаги хавфсизликни таъминлаш ва тирбандликларни назорат қилувчи ходимлар ёллаш учун 30,000 евро сарфлашга қарши эмас. Масжид биносини чизган архитектор Гевин Прескот 28 метр баландликка эга бинолар Ислом архитекторлигига хос бўлиб, улар муҳимлигини таъкидлаб ўтди. Шовқинни олдини олиш учун азон товуши мўътадил баландликда бўлишига, Престон кўчаси яқинидаги дарахтларга эса зарар етказилмаслигига келишилди.
Масжидда намоз ўқиш учун хонақодан ташқари ота-оналар ва болалар саломатлигини назорат қилувчи пункт, таъзия ҳамда маросимларни ўтказиш учун жой ҳам барпо этилади.
Миллиардер ака-укалар ўтган ой ASDA супермаркет тармоғига барча пулларни тўлаб бўлишди ва 20йилдан сўнггина супермаркет биноси давлат мулкига айланади.
Зубер ва Моҳсин Исса раҳбарлигидаги EG Group илгари Walmart компанияси билан савдо тармоғини сотиб олиш тўғрисида келишувга эришган эди. TDR Capital инвестиция жамғармалари томонидан киритилган инвестиция шартномасига кўра, бензин қуйиш шаҳобчалари тармоғига эгалик қилишни қўлга киритган эди.
Таржимон: Зуҳра Зокирова
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
