1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Мақолалар

Аллоҳга қасам, вақти келди

08:00 / 14.12.2020 1831 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Фузайл ибн Иёз авваллари йўлтўсарлик қилар эди. Бир куни кечаси яна қароқчилик қилгани чиқиб, бир карвонни таламоқчи бўлди. Ярим тунда бир карвон келди. Карвондагилардан бири: «Биз билан мана шу қишлоққа юринглар, чунки йўлда Фузайл деган қароқчи бор», деди.  Фузайл унинг гапини эшитиб, қалтираб қолди. «Эй карвондагилар! Ўша Фузайл менман! Хотиржам бўлинглар, Аллоҳга қасамки, мен энди ҳеч қачон Аллоҳга осийлик қилмайман», деди ва қилиб юрган гуноҳ ишларидан қайтди.

Бошқа ривоятда шундай дейилган: «У карвондагиларни меҳмон қилиб, «Энди Фузайлдан қутулдиларинг», деди. У меҳмонларга овқат бериш учун ташқарига чиққан эди, бир кишининг қуйидаги оятни ўқиётганини эшитиб қолди:

«Иймон келтирган зотлар учун диллари Аллоҳнинг зикрига ва нозил бўлган ҳаққа (Қуръонга) мойил бўлиш вақти келмадими?» (Ҳадид сураси, 16-оят)

Фузайл бу оятни эшитиб, қаттиқ таъсирланди. «Ҳа! Аллоҳга қасам, вақти келди! Ҳа! Аллоҳга қасам, вақти келди», деди. Фузайлнинг тавбаси ана шундай бошланган эди.

Иброҳим ибн Ашъас айтади: «Бир куни кечаси Фузайлнинг ушбу оятни тинмай қайтариб, йиғлаб ўқиётганини эшитдим: 

«Орангиздаги жиҳод қилувчи ва сабр қилувчиларни аниқлагунимизча ва хабарларингизни синаб бўлгунимизча сизларни имтиҳон қилурмиз» (Муҳаммад сураси, 13-оят)

У «...хабарларингизни синаб бўлгунимизча» деган оятни ўқигач, қуйидаги сўзларни такрорларди: «Хабарларимизни синар экансан. Хабарларимизни синасанг, барча айбларимизни фош қилиб, шарманда қиласан. Айбларимизни фош қилсанг, демак бизни ҳалок қиласан ва азобга дучор қиласан».

Унинг яна шундай деганини эшитдим: «Сен одамлар учун зийнатландинг, уларга яхши кўринишга ҳаракат қилдинг. Сени «Фалончи солиҳ одам» деб таърифламагунларича, ҳожатларингни раво қилиб бермагунларича, мажлисларда сенга жой бериб, сендан қўрқиб, улуғламагунларича риёкорлик қилавердинг. Агар шундай бўлса, аҳволинг жуда ачинарли экан. Агар танилмаслик қўлингдан келса, шундай қил. Таниқли бўлмаслигинг, сенга мақтов ўқилмаслигининг зарари йўқ. Аллоҳнинг наздида мақталган бўлсанг, одамлар наздида ёмон бўлсанг ҳам сенга зиён қилмайди».

«Солиҳлар гулшани» китобидан

Манба
islom.uz
Мавзуга оид мақолалар
Аллоҳ таоло Қуръон каримда дуо қилиш одобидан таълим берган оятларга кўра мўмин Аллоҳ уни кўриб, эшитиб турганини ҳис қилиб Унга умид ва қўрқув билан дуо қилади. давоми...

1056 11:00 / 25.12.2022
Аллоҳ таоло Нисо сурасида марҳамат қилади .Эй иймон келтирганлар Бирбирларингизнинг молларингизни ботил йўл билан еманг, 29оят.Бировнинг молини ботил давоми...

2930 10:00 / 21.12.2018
Ислом руҳ билан жасад орасида ўртача йўл тутиб, икковлари тенг даражада, деб қўйган эмас. Балки Аллоҳнинг ҳикмати тақозоси билан, Ислом илм ва табиат қонунларига давоми...

4107 19:11 / 02.12.2016
Савол Картада .сувара,, .дуррак,, .пирра,, .қора хотин, каби ўйинларни ўйнаш қимор бўладими Мумкинми, ё мумкин эмасмиЖавоб Бисмиллаҳир Роҳманир РоҳиймОрага пул тикиб давоми...

8698 23:05 / 10.11.2018
Аудиолар

118798 11:58 / 10.10.2018
«Ҳилол» журнали
Китоблар

40747 14:35 / 11.08.2021