Ҳаммамиз вафот этамиз
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ўлимнинг аҳамияти ҳаётникидан кам эмас. Олимлар ушбу ҳақиқатни таъкидлаб, «Ўлим ҳаётнинг давом этиши учун зарурий нарсадир» дейдилар.
АҚШнинг Принстон университети профессорларидан бири «Абадий яшашга бўлган ҳар қандай уриниш табиатга тескари юришдир. Чунки ўлим тамоман борлиқ низомига ҳамоҳангдир. Бу ҳар бир нарсанинг бошланиши ва тугаши бордир деган низомдир. Биз ўз генларимизни келгуси авлодга мерос қилиб қолдирамиз. Агар биз ўлмасак, гўдакларимиз билан ҳаёт учун курашиб юрамиз. Бу эса яхши иш эмас» деган.
Олимлар бу борадаги тадқиқотлардан сўнг «Бу дунёда абадий қолиш амалий жиҳатдан амримаҳолдир» деган хулосани эълон қилишган. Баъзи олимлар умрни узайтириш борасидаги тадқиқотларни давом эттириб, бундай муваффақиятсиз уринишларга миллиардларни сарфлаган бўлсалар-да, буларнинг бари самарасиз якунланган. Шундай қилиб, илмий ҳақиқат – ўлимни тўхтатиб қолиш ва уни бошқариш мумкин эмас! Истисносиз барча инсонлар ўладилар. Танамиздаги ҳужайраларда шундай дастур борки, бу дастур ҳужайранинг умрини, бўлинишини ва ўлишини идора қилади.
Аллоҳ таоло Қуръони Каримда шундай марҳамат қилган:
ﭽ ﭾ ﭿ ﮀﮁ ﮂ ﮃ ﮄ
«Ҳар бир жон ўлимни тотувчидир. Сўнгра Бизгагина қайтарилурсиз» (Анкабут сураси, 57-оят)
Роббимиз бошқа бир оятда бундай марҳамат қилган:
ﭿ ﮀ ﮁ ﮂ ﮃ ﮄ ﮅ ﮆ ﮇ ﮈ ﮉ ﮊ
«(Ер) юзидаги барча жонзот фонийдир. Улуғлик ва икром эгаси Роббингнинг Ўзигина боқийдир» (Ар-Роҳман сураси, 26-27-оятлар)
Барҳаёт, ўлмайдиган Зот покдир!
Нозимжон Ҳошимжон тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
