Абу Бакранинг васияти
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Абу Бакранинг ўлими яқинлашгач, «Васиятимни ёзинглар», деди. Котиб келиб, унинг айтганларини ёза бошлади: «Бу Расулуллоҳ соллаллоҳу алайҳи васалламнинг саҳобаси Абу Бакранинг васиятидир..».. Абу Бакра розияллоҳу анҳу: «Тўхта. Ўлим олдидан ҳам куням ёзиладими? Буни ўчириб ташла, бошқатдан ёз: «Бу Расулуллоҳ соллаллоҳу алайҳи васалламнинг мавлоси Нуфайъ Ҳабашийнинг васиятидир. У Робби Аллоҳ азза ва жалла, Пайғамбари Муҳаммад соллаллоҳу алайҳи васаллам, дини Ислом, қибласи Каъба эканига гувоҳлик беради. У Аллоҳ азза ва жалладан Унинг тавҳидини эътироф қиладиганлар, рубубиятини (Парвардигорлигини) тасдиқлайдиган, У Зотнинг ваъдаси ва ваъидига қаттиқ ишонадиганлар, азобидан қўрқадиганлар, раҳматидан умид қиладиганлар умид қилган нарсани сўрайди. У Зот раҳмлиларнинг раҳмлисидир».
«Солиҳлар гулшани» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
