1442 йил 1 сафар | 2020 йил 19 сентябрь, шанба
Минтақа:
ЎЗ UZ RU EN
Сотувдаги янги маҳсулотлар

«Мўминнинг қалқони - муфассал рўза китоби» қайта нашр қилинди!

17:48 / 14 сентябрь 33 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шайх Муҳаммад Содиқ Муҳаммад Юсуф ҳазратлари қаламларига мансуб «Мўминнинг қалқони - муфассал рўза китоби» деб номланган китоблари.

БИСМИЛЛАҲИР РОҲМАНИР РОҲИМ

СЎЗБОШИ

Мўмин бандаларининг гуноҳ ва хатоларига қалқон қилиб рўзани Исломнинг фарз ибодатлари қаторига қўшган Аллоҳ таолога ҳамду санолар бўлсин!
Умматларига чексиз муҳаббат ва шафқат кўрсатиб, рўза тутишни барча сир-асрорлари билан ўргатиб кетган ҳабиб Пайғамбаримиз Муҳаммад мустафо соллаллоҳу алайҳи васалламга абадул-абад салавоту саломлар бўлсин!
Мусулмонларга рўза ҳақидаги оят ва ҳадисларни етказиб, таълим берган саҳобаи киромларга Аллоҳ таолонинг розилиги бўлсин!
Қуръон ва cуннатдан рўза ҳақидаги маълумот ва таълимотларни чуқур ўрганиб, улардан тегишли аҳкомларни чиқарган, тартибга солган ва осонлаштириб кетган мужтаҳид уламоларимизга Аллоҳнинг раҳмати бўлсин!
Муҳтарам ўқувчиларимизга яхши маълумки, бундан сал олдинроқ кўпчиликнинг талаб-истакларини инобатга олган ҳолда Ислом арконлари ҳақида муфассал маълумот берувчи туркум китоблар нашр қилишни йўлга қўйган эдик. Мазкур туркумнинг намозга бағишланган «Мўминнинг меърожи» китоби ўқувчиларимиз томонидан яхши кутиб олиниб, унинг биринчи нашри жуда тез тарқалиб кетди ҳамда тез орада иккинчи нашри ҳам сотувга чиқди. Бугун сизларнинг ҳукмингизга шу туркумдаги китобларнинг навбатдагиси – рўза масалаларига бағишланган «Мўминнинг қалқони» номли муфассал рўза китобини тақдим қилаётганимиздан мамнунмиз. Зеро, рўза бандаларни гуноҳ ва хатолардан, дўзах ўтидан тўсувчи қалқондир.
Ҳар йили Рамазони шариф кириб келиши билан бу муборак ойнинг фазлидан баҳраманд бўлиб қолиш учун рўза ибодати ва унинг аҳкомларини теранроқ англаб етишга ҳаракат қилиб қоламиз, маълумотлар қидиришга тушамиз. Лекин бу борада етарли маълумотлар жамланган китобларни топиб ўқиш ҳаммага ҳам насиб этавермайди, чунки она тилимизда бундай китоблар жуда кам, борларини ҳам топишга кўпда ҳафсаламиз етишмай қолади. Мана шу маънода қўлингиздаги асар бу борадаги мавжуд бўшлиқни тўлдиради, деган умиддамиз.
Маълумки, Рамазон ойи рўзасининг фарзлиги ҳақида етарли маълумот олмагунча киши тутаётган рўзасининг аҳамиятини англаб ета олмайди. Шунинг учун қўлингиздаги китобда дастлаб ана шу мавзуда сўз юритилади. Бу ибодат Қуръони Карим оятлари, Пай­ғамбаримиз алайҳиссаломнинг ҳадислари ва Ислом умматининг ижмоъи билан собит бўлгани етарли равишда баён қилиб берилади.
Шунингдек, ушбу китобимизда рўзанинг беҳисоб фазилатлари, унинг суннатлари, рўзанинг турлари ва вақтининг баёни, бу ибодатнинг нозик сирлари, унинг шартлари, фажри содиқнинг аломати, рўза тутишни бошлаш ва тўхтатишнинг ҳилол кўриш орқали бўлиши, ҳилолни кўришдаги гувоҳликлар каби бошқа китобларда кам ёритилган мавзуларга кенгроқ эътибор қаратилди. Рўзадорнинг ният қилиши, рўзадорга мустаҳаб бўлган амаллар, рўзани бузадиган ва бузмайдиган амаллар, ифторлик ва саҳарлик қилиш, ифторлик пайтида ўқиладиган дуолар, рўзадорнинг Рамазон ойида турли ношаръий ишлардан тийилиши, тилини ёлғон, ғийбат, бўҳтон, беҳаё сўз каби тил офатларидан асраши, шунингдек, Рамазон ойи ва рўза ибодатига оид аёлларга хос масалалар ҳақида ҳам кўпгина маълумотлар берилди. Рамазон ойида бўладиган таровеҳ намози, фидя, фитр садақаси, эътикоф ўтириш, ийд намозини адо этиш каби ибодатлар ҳақида ҳам атрофлича тўхталдик.
Исломнинг илк давридан бошлаб мусулмонлар Рамазонда Қуръон тиловат қилишга, саховатли ва карамли бўлишга алоҳида эътибор бериб келганлар. Чунки севикли Пайғамбаримиз Муҳаммад алайҳиссаломнинг ўзлари ана шундай қилганлар ва умматларига бунда ўрнак бўлиб, алоҳида таълим берганлар. Таровеҳ намози муборак Рамазон ойининг энг кўзга кўринган файзу футуҳларидан бири. Кўпчилик бу намозда қатнашиб, ажру савоблар олишга интилади. Аммо унинг тарихидан, қандай қилиб йўлга қўйилганидан ҳамма бирдек хабардормикан? Ушбу масалалар ҳам китобда кенг шарҳлаб берилди.
Шу билан бирга, сиз ушбу китоб­дан ўзи шубҳали кўринса ҳам, рўзага халал бермайдиган нарсалар ҳақида, рўза тутмасликларига ёки қазо қилиб тутишларига рухсат берилган кишилар, рўза тутиш ман қилинган кунлар, нафл рўзалар ҳақида, минг ойдан яхшироқ бўлган Қадр кечаси ва яна кўпгина бошқа нарсалар ҳақида қимматли маълумотларни топасиз.
Аллоҳ таоло бу камтарона ишимизнинг камчиликларини кечириб, даргоҳида қабул айласин, уни қиёмат куни амаллар мезонида тош босадиган амаллардан қилсин! Аллоҳ таоло ушбу китобнинг сиз азиз ўқувчиларга манфаатли ва фойдали бўлишини насиб этсин! Омин!

Муаллиф: Шайх Муҳаммад Содиқ Муҳаммад Юсуф
Номи: Мўминнинг қалқони - муфассал рўза китоби
Нашриёт: «Hilol» нашриёт-матбааси
Сана: 2019, 2018, 2016, 2015 йил
Ҳажми: 176 бет
ISBN: 978-9943-5977-9-2
Ўлчами: 84×108 1/32
Муқоваси: юмшоқ


Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2019 йил 30 августдаги 4817 -рақамли тавсияси ила чоп этилган


Ушбу китобда қуйидаги масалаларга оид маълумотлар олишингиз мумкин:

Сўзбоши
Рўза қандай ибодат?
«Сизларга рўза тутиш фарз қилинди...»
Рўза ҳадиси шарифларда
Рўзанинг даражалари
Рўзанинг шартлари
Рўзанинг турлари
Рўза тутиш ҳаром бўлган кунлар
Рўза тутиш макруҳ бўлган кунлар
Ихтиёрий рўза
Рўзанинг нияти
Рамазоннинг ҳилоли
Саҳарлик ва ифторлик
Саҳарлик ва ифторлик ҳақидаги савол-жавоблар
Рўзанинг мустаҳаблари
Рўзани бузадиган нарсалар
Қазо ва каффоратга оид савол-жавоблар
Рўзани бузмайдиган нарсалар
Рўзани бузадиган ва бузмайдиган
амалларга оид савол-жавоблар
Рўзадорга макруҳ бўлган нарсалар
Рўзада макруҳ бўлган амалларга оид савол-жавоблар
Аёлларга хос масалалар
Рўза тутмасликка рухсат берилганлар
Рўза тутмасликни ёки тутган бўлса ҳам
очишни мубоҳ қилувчи ҳолатлар
Мавзуга оид савол-жавоблар
Эътикоф
Эътикофга оид савол-жавоблар
Фитр садақаси
Фитр садақасининг вожиб бўлиш шартлари
Фитр садақасига оид савол-жавоблар
Фидя
Фидяга оид савол-жавоблар
Таровеҳ намози
Мавзуга оид савол-жавоблар
Минг ойдан яхшироқ кеча
Нафл рўзалар ҳақидаги ҳадислар
Нафл рўзага оид савол-жавоблар
Ийдул-фитр намози
«Рўза тутинглар, саломат бўласизлар»
Хулоса
Манбалар рўйхати


Ушбу китобни қуйидаги манзиллардан харид қилишингиз мумкин:

1. МЧЖ «Hilol-nashr» нашриёт-матбааси бош савдо дўкони
Телефон: (+99871) 216 29 27
Манзил: 100185, Тошкент шаҳри, Сўгалли ота, 5-уй

2. Чорсу филиал
Манзил:  Тошкент ш., Олмазор тум., Сағбон(Фаробий) кўчаси, 7-уй
Телефон: (+99891) 134 82 88

3. Кўкча филиал
Манзил:  Тошкент ш., Шайхонтоҳур тум., Маннон уйғур кўчаси, 362-уй
Телефон: (+99897) 755 23 70

4. Наманган филиал
Манзил:  Наманган ш., А.Навоий кўчаси, 69-уй
Телефон: (+99869) 227 95 91

5. Анжижон филиал
Манзил:  Андижон ш, Ўзбекистон кўчаси, 5-уй
Телефон: (+998 97) 706 29 27

6. Фарғона(Марғилон) филиал
Манзил: Фарғона вилояти, Марғилон шаҳри, Хонақо кўчаси, 3-уй (Мўлжал: Хонақо масжиди)
Телефон: (+99897) 756 29 27 

7. Самарқанд филиал
Манзил: Самарқанд ш., Шоҳи Зинда кўчаси, 268-уй      
Телефон: (+99891) 522 44 99

8. Сурҳондарё филиал
Манзил: Денов ш., Мустақиллик кўчаси, 69-уй  
Телефон: (+99893) 503 56 94  

9. Хоразм филиал

Манзил: Урганч шахри, Амир Темур истирохат боғи худуди
Телефон: (+99893) 747 77 74, (+99897) 513 99 09   

www.kitoblardunyosi.uz вебсаҳифаси орқали онлайн харид қилишингиз мумкин.

Муаллиф
Шайх Муҳаммад Содиқ Муҳаммад Юсуф
Манба
«Hilol-nashr» нашриёти
Мавзуга оид мақолалар
Туркумнинг ушбу жузида зуҳд ва рақоиқлар хақида келган оят ва ҳадислар билан танишиб чиқишингиз мумкин. Муаллиф Шайх Муҳаммад Содиқ Муҳаммад ЮсуфНоми Ҳадис ва давоми...

2127 11:41 / 27.02.2018
Шайх Муҳаммад Содиқ Муҳаммад Юсуф ҳазратларининг қаламларига мансуб .Ҳадис ва Ҳаёт, туркумининг .Поклик, деб номланган 4жузи савдога чиқарилди..Ҳадис ва Ҳаёт, давоми...

1190 11:03 / 06.10.2018
Бахтиёр оила китоби қайта нашрдан чиқдиШайх Муҳаммад Содиқ Муҳаммад Юсуф ҳазратларининг .Бахтиёр оила, деб номланган китоблари қайта нашрдан чиқди. БИСМИЛЛАҲИР давоми...

2241 05:00 / 02.02.2015
.Ҳадис ва Ҳаёт, 5 жуз.Намоз китоби 1, Шайх Муҳаммад Содиқ Муҳаммад Юсуф ҳазратларининг қаламларига мансуб .Ҳадис ва Ҳаёт, туркумининг .Намоз, деб номланган давоми...

1341 14:35 / 17 февраль
Аудиолар

43063 11:58 / 10.10.2018
«Ҳилол» журнали
Топ рейтинг www.uz Openstat