Абу Бакр Аҳмад ибн Ҳусайн
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Имом, пешво, қорилар устози, шайхулислом Абу Бакр Аҳмад ибн Ҳусайн ибн Меҳрон Асбаҳоний Найсобурий. «Ал-Ғоя фил қироат» китобининг муаллифи.
295 йилда таваллуд топганлар.
Аҳмад ибн Муҳаммад Мосаржисий, Ибн Хузайма, Абул Аббос Саррож, Маккий ибн Абдон ва бошқалардан ҳадис эшитганлар.
Зайд ибн Абу Билол, Абул Ҳусайн ибн Буён, Абу Бакр Наққош, Абу Исо Баккор ва Ибн Муқсимга Ироқда, Абул Ҳасан Муҳаммад ибн Назр Ахрамга Дамашқда Қуръон тиловат қилиб берганлар.
Бу кишидан Ҳоким, Ибн Масрур, Абу Саъд Канжарузий, Абдурраҳмон ибн Алийяк ва Абу Саъд Аҳмад ибн Иброҳим Муқрий ҳадис ривоят қилганлар.
Бу кишига Маҳдий ибн Тарора ва бошқалар Қуръон тиловат қилиб берганлар.
Ҳоким айтадилар: «Қироатларда замоналарининг имоми, биз кўрган қориларнинг энг ибодатли, дуолари қабул бўладигани эдилар. У кишига Қуръоннинг беш порасини саралаб тиловат қилдим. Қироат борасида ёзган «Аш-Шомил» китобларини Бухорода ўзларига ўқиб бердим».
381 йил шаввол ойида вафот этганлар.
«Машҳур даҳолар сийрати» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
