Мени машаққатга қўйдинг
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бир киши Ҳасан ибн Али розияллоҳу анҳумога: «Фалончи сизни ғийбат қилди», деди. Ҳасан шундай деди: «Сен мени яна бир машаққатга қўйдинг: энди мен Аллоҳдан ўзим учун ҳам, унинг учун ҳам мағфират сўрашим керак».
Амр ибн Мурра айтади: «Робийъ ибн Ҳусайм аёлининг олдига келиб, «Мен Аллоҳ йўлида яхши кўрадиган дўстимни меҳмонга чақирмоқчиман, жой тайёрлаб, ширин овқат пишир», деди. Аёли уйни безатди, жой тайёрлаб, таом пиширди. Кейин эрига: «Дўстингизни чақиринг», деди. У қўшниси Салолнинг олдига борди. Унинг кўзи ожиз эди. Уни олиб, уйига келди. Тайёрланган жойга ўтириб, аёлига таомни олиб келишни буюрди. Аёли таомни олиб келди. Робийъ қўшниси – Аллоҳ йўлида яхши кўрган дўсти билан биргаликда овқатланди.
«Солиҳлар гулшани» китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
