1442 йил 21 зулҳижжа | 2021 йил 31 июль, шанба
Минтақа:
ЎЗ UZ RU EN
Мақолалар

Расулуллоҳ соллаллоҳу алайҳи васалламнинг бошларидан ўтган баъзи ҳолатлар

14:05 / 28.06.2020 2866 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Қарзга ботдингизми?

• Расулуллоҳ соллаллоҳу алайҳи васаллам вафот этганларида совутлари ўттиз соъ арпа эвазига бир яҳудийда гаровда эди.

Фақирликдан қийналяпсизми? Уйингизда егулик озми?

• Расулуллоҳ соллаллоҳу алайҳи васалламнинг уйларида бир неча ойлаб қозон осилмас, олов ёқилмас, таом пиширилмасди.

Фарзандларингизнинг бирортасидан айрилдингизми?

• Расулуллоҳ соллаллоҳу алайҳи васалламнинг ҳаётлик чоғларида Фотима розияллоҳу анҳодан бошқа барча фарзандлари вафот этишган.

Бирор киши сизни камситиб, хўрламоқчи бўлдими?

• Расулуллоҳ соллаллоҳу алайҳи васалламни бутун бир қавм камситиб, устларига туянинг ичакларини ташладилар.

Сизни қамаб қўйиб, овқат бермай қийнаяптиларми?

• Расулуллоҳ соллаллоҳу алайҳи васалламни ўз қавмлари уч йил бир дарага қамаб қўйиб, ўзаро олди-сотди ва бошқа муомалаларни чеклаб қўйдилар.

Кимдир сизни ўлдиришга уриндими?

• Расулуллоҳ соллаллоҳу алайҳи васалламни яҳудийлар ва мушриклар бир неча марта ўлдиришга уриндилар.

Қўшниларингиздан бирортаси сизга озор беряптими?

• Расулуллоҳ соллаллоҳу алайҳи васалламга бутун бир шаҳар аҳли озор бериб, у зотни туғилиб-ўсган жойларидан бош олиб чиқиб кетишга мажбур қилдилар.

Тишларингиз оғрияптими?

• Расулуллоҳ соллаллоҳу алайҳи васалламнинг урушда рубоий тишлари (олд тишларининг баъзиси) синди.

Қилмаган ишингизни қилди деб сизга туҳмат қилдиларми?

• Расулуллоҳ соллаллоҳу алайҳи васалламга сеҳргар, мажнун деб туҳмат қилдилар.

Ибодатга дангасалик қиляпсизми?

• Расулуллоҳ соллаллоҳу алайҳи васаллам намозда кўп тик турганларидан оёқлари шишиб кетган.

Ота-онангиздан бирорталарини йўқотдингизми?

• Расулуллоҳ соллаллоҳу алайҳи васаллам туғилмасларидан олдин оталаридан, олти ёшларида оналаридан айрилиб, етим ҳолда униб-ўсдилар.

Бирорта ғамдан, оғир юкдан қийналяпсизми?

• Расулуллоҳ соллаллоҳу алайҳи васаллам даъват ва рисолат юкини устларида кўтариб юрдилар.

Бирор киши сизни ёлғончига чиқариб, гапларингизни рад этдими?

• Расулуллоҳ соллаллоҳу алайҳи васалламни ўз қавмлари ёлғончига чиқариб, гапларини рад этдилар.

Пайғамбаримиз соллаллоҳу алайҳи васалламнинг бошларига қандай ташвишлар, ғамлар, мусибатлар, қийноқлар, очлик, ташналик, ҳақоратлар ва ҳоказолар тушганини англадингизми?

У зот сиз билан биз умматлари икки дунёда бахтли бўлишимиз учун ана шундай озорларга дучор бўлгандилар.

Аллоҳ таоло севикли Пайғамбаримизга кўплаб саловоту саломлар юборсин ва бизни у зоти бобаракотга муносиб уммат қилсин!

Интернет маълумотлари асосида 

Нозимжон Ҳошимжон тайёрлади

Муаллиф
Нозимжон Ҳошимжон
Мавзуга оид мақолалар
Савол Биз баъзи инсонларнинг арвоҳлар руҳига шам ёққанларини кузатамиз. Лекин мени бу ишнинг гуноҳ ёки гуноҳ эмаслиги қизиқтиради. Савол шуки, Ислом динида арвоҳ давоми...

3184 06:09 / 10.11.2018
Абу Масъуд розияллоҳу анҳудан ривоят қилинади.Набий соллаллоҳу алайҳи васаллам.Одамлар нубувватнинг биринчи каломидан идрок қилган нарсалардан бири .Агар ҳаё давоми...

934 14:00 / 15.08.2019
Қуръонда пайғамбарлар дуоларидавомиСулаймон алайҳиссаломнинг муҳим хусусиятларидан бири Аллоҳ томонидан у зотга улкан давлат ато этилишидир. Бундан ташқари давоми...

1891 13:10 / 10.04.2019
Баъзида киши таҳажжуд намози ўқийдиган одамлар билан бирга тунаб қолиши мумкин. Улар кечанинг кўп қисмини намоз ўқиш билан ўтказишар экан. У эса маълум соатдагина давоми...

1439 11:04 / 07.02.2019
Топ рейтинг www.uz Openstat