1442 йил 14 рабиъул аввал | 2020 йил 31 октябрь, шанба
Минтақа:
ЎЗ UZ RU EN
Муслималар саҳифаси

Аллоҳга қасамки, Маймуна кетди

11:06 / 11 март 1238 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Маймуна бинти Ҳорис онамизнинг ва у кишининг опа-сингилларининг иймонлари бақувват эканига Пайғамбар соллаллоҳу алайҳи васалламнинг ўзлари гувоҳлик берганлар.

Имом Насаий ва бошқалар Абдуллоҳ ибн Масъуд розияллоҳу анҳудан қилган ривоятда Набий соллаллоҳу алайҳи васаллам Маймуна бинти Ҳорис онамиз, Умму Фазл, Асмо бинти Умайс ва Салма бинти Умайс розияллоҳу анҳолар ҳақида:

«Мўмина опа-сингиллар», деганлар.

Оиша онамиз розияллоҳу анҳо Маймуна бинти Ҳорис онамизнинг мўминларнинг оналари ичида энг тақводор ва силаи раҳмга мойил эканликларига гувоҳлик бериб:

«Аллоҳга қасамки, Маймуна кетди. Албатта, у ичимизда энг Аллоҳга тақводоримиз ва сила раҳмга мойилимиз эди», дейдилар.

Маймуна бинти Ҳорис онамиз ҳадис ривоят қилишда Оиша онамиз ва Умму Салама онамиз розияллоҳу анҳолардан кейин, учинчи ўринда турар эдилар.

Ҳазрати Маймуна розияллоҳу анҳо Расули Акрам соллаллоҳу алайҳи васалламдан 76та ҳадиси шариф ривоят қилдилар. Шулардан биттасига ‎имом Бухорий ва бештасига ‎имом Муслим якка ҳолда, еттитасига биргаликда иттифоқ қилганлар.

Маймуна онамиздан опа-сингилларининг ўғиллари: Абдуллоҳ ибн Аббос, Язийд ибн Мадад ибн ал-Ҳадд, Абдурроҳман ибн ас-Саиб ал-Хуламий, Язийд ибн ал-Асом ва Убайдуллоҳ ал-Жавланий, Сулаймон ибн Ясор, Иброҳим ибн Абдуллоҳ ибн Маъбад, Ибн Аббоснинг мавлоси Курайб, Убайда ибн ас-Сибоқ ва Олия бинту Сабийъ ва бошқалар ривоят қилдилар.

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
. .Оиша розияллоҳу анҳодан ривоят қилинади.Қуръонда нозил қилинган нарсаларда ўнта маълум ҳаром қилувчи эмизиш бор эди. Сўнгра улар бешта маълум давоми...

619 18:07 / 15 апрель
Дунё мўъжизаларга бой бўлиб, улардан бири она сутининг мўъжизаси энг ҳайратланарлисидир. Гўдак туғилиб чинқириб йиғлайди, она кўкрагини боланинг оғзига солиши давоми...

1065 16:12 / 08 июль
Расулуллоҳ соллаллоҳу алайҳи васалламдан ўн саккиз ёшларида ажраб қолган Оиша онамиз розияллоҳу анҳо у зотдан кейин яна қарийб ярим аср умр кўрдилар. У киши бу давоми...

1734 12:45 / 13.01.2019
биринчи мақолаМаймуна бинти Ҳорис онамиз нубувват хонадони аёллари қаторига сўнгги дурдона бўлиб қўшилишлари у кишининг ўз уринишларини тақдирлаш маъносида давоми...

1960 18:30 / 19 февраль
Топ рейтинг www.uz Openstat