1442 йил 22 ражаб | 2021 йил 06 март, шанба
Минтақа:
ЎЗ UZ RU EN
Уламолар

Самарқанд конференцияси меҳмонлари: Шайх Ҳамза Муҳаммад Бакри

19:30 / 07.03.2020 865 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Маълумки, шу йилнинг 3 март кунидан бери Самарқанд шаҳридаги Форумлар саройида «Имом Абу Мансур Мотуридий ва мотуридия таълимоти: ўтмиш ва бугун» мавзусида халқаро конференция бўлиб ўтмоқда. Ушбу нуфузли тадбирда 20 га яқин мамлакатлардан 70 га яқин уламолар, исломшунос олимлар, таълим муассасалари ва илмий-тадқиқот марказлари раҳбарлари ўз маърузалари билан иштирок этмоқда.

Дарҳақиқат, мазкур анжуман сабабидан юртимизга ташриф буюрган меҳмонлар кўҳна Самарқандни диққатга сазовор жойларини зиёрат қилади. Хусусан, Ислом оламида етук ҳисобланган шайх Саид Фуда, шайх Ҳамза Бакри ва шайх Аҳмад Даманҳурийлардан иборат уламолар ҳам халқаро конференцияда иштирок этишмоқда.

Етук исломшунос олим, асли Иорданиялик бўлган шайх Ҳамза Муҳаммад Бакир 1982 йил, 3 январь куни туғилган. Ҳозирда Туркиянинг Истанбул шаҳрида истиқомат қилади.

У 2004 йили Ал- Балқий университетининг усулиддин йўналиши бакалавр босқичи, 2007 йил ҳадис йўналиши бўйича Урдун (Иордания) университетида магистратура босқичи, 2011 йилда эса шу университетнинг ҳадис факультети докторантура даражасини тамомлаган.

Фаолияти:

Айни дамда Туркиянинг Фотиҳ Султон Меҳмет вақф университетида исломий билимлар факультетида ўқитувчи. Шунингдек, университетнинг исломий тадқиқотлар бўлими таҳқиқ курсларида ҳам дарс беради. Бундан ташқари тадқиқотчи олим 2011-2013 йилларда Уммондаги «Дорул Фатҳ» марказида мумтоз асарлар таҳқиқий бўлимида бошқарувчи бўлиб фаолият олиб борган. 2013-2014 йиллар ва 2015-2018 йилларда Малайзия Ислом билимлари университетида калом ва ҳадис фанларидан дарс берган. Худди шу йили EDEP – таълимга кўмак марказида ҳам калом фанидан таълим бериб келган.

Шайх Ҳамза Муҳаммад Бакрининг нашр қилинган асарлари:

«Шарҳи васиййати ал имам Абу Ҳанифа лил Бабартий» (таҳқиқ), Уммон 2006 йил.

«Шарҳи Қасийдатил Қушайрийя». Уммон, 2012 йил.

«Тааддулул ҳадиси фий риваятил ҳадис». Уммон, 2014 йил.

«Ҳошия ат тиббий ъалал Кашшаф». (7,8 ва 14 жилдлар таҳқиқи) Дубай, 2014 йил.

«Ал анварул Ваадина фий тафсирил фатиҳа лид Дуруний» (таҳқиқ). Уммон, 2014.

«Фатаво ал Булқиний». (3 жилднинг таҳқиқи). Уммон 2014 йил.

«Ан нукат ат -тарифи лил Кавсарий» (таҳқиқ). Уммон, 2015 йил.

«Лимаҳатун назари фий сирати Имам Зуфар лил- Кавсарий». (таҳқиқ) 2017 йил.

Бундан ташқари бошқа кўплаб асарларини келтириб ўтиш мумкин.

Тадқиқотчи олимнинг айни дамда олиб бораётган илмий иши- Мулла Алиййул Қорининг «Ал мубийну муъийн ала фаҳмил арбаъийн» асарининг таҳқиқидир.

Islom.uz портали таҳририяти

Муаллиф
islom.uz
Мавзуга оид мақолалар
Испания ҳукумати Ҳожиб Мансур ибн Абу Омир роҳимаҳуллоҳнинг вафот этганига 1000 йил тўлгани муносабати билан 2002 йилда марка чоп қилди.Ҳожиб Мансур ибн Абу Омир давоми...

1068 17:30 / 11 февраль
Имом Мотуридий номи билан машҳур бўлган улуғ бобомизнинг тўлиқ исмлари Муҳаммад ибн Муҳаммад ибн Маҳмуд Абу Мансур Мотуридий Самарқандий Ансорий бўлган. давоми...

2216 22:24 / 27.04.2017
ЗиёратАллоҳ таоло Қуръони каримда олимлар ҳақида шундай марҳамат қилади Улар Аллоҳ ҳидоят қилган зотлардир, бас, уларнинг йўлларига эргашингrdquo Анъом сураси, давоми...

7310 17:08 / 08.11.2017
Бу кишининг исмлари Муваффиқуддин Абу Муҳаммад Абдуллоҳ ибн Аҳмад ибн Қуддома ибн Миқдом бўлиб, Солим ибн Умар ибн Хаттоб алАдавий алҚуроший алМақдисий давоми...

2507 22:20 / 27.04.2017
Топ рейтинг www.uz Openstat