Тасодифлар тасодифан бўлмайди
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Хуллас, тонгда етиб келган рейс билан аэропортдан Тошкентга чиқдим. Маслакдош дўстим уй эшигини очиқ қолдириб ухлаб қолибди, мен эса подъезд махфий рақамини унутиб қўйибман.(Саёқ юраверсам, аҳвол шу).
Ҳали тонг отмаган, нима қилишни билмай бир яқин укамга қўнғироқ қилдим. У дарҳол Чилонзорга етиб келишимни тайинлади. Юкларимни унинг уйида қолдириб, бироз чўзилмоқчи эдим. Қарасам, укам ухламаяпти.
- Бугун янги нашр этилган Қуръон нусхаси савдога чиқади. Эртароқ бориб, навбат олиш керак.
Мен ҳам у билан бирга китоб сотиб олишга ошиқдим. Аввал, биргалашиб укам билан нонушта қилдик. Кейин бомдод намозини ўқиб, китоб сотиб олиш учун навбатга турдик.
Китоб нархи 35 минг сўм бўлгани учун мингдан ошиқ одам, гавжум, Ҳилол нашриёти китоб уйи соҳиби келмай туриб, одамлар яна қаерлардандир келаётган эди.
Хуллас, навбат келди. Пулни тайёрлаб, дўконга кирдим.
- Олинг, ҳадя. Пули керак эмас.
Шундай дейишди. Мен пул тўлашга тайёр эдим. Аммо севиниб кетдим, нега билмайман.
Дўстим, яхшиям ухлаб қолибсан, яхшиям уйнинг махфий рақамини унутибман, яхшиям Элмуродга қўнғироқ қилибман. Яхшиям у мени ўзи билан бирга олиб кетди. Аллоҳимни кўрсатган кунига шукр. Шунақа гаплар, Ўзбекистонга хуш келибман.
Islom.uz портали таҳририяти
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
