Шайх Муҳаммад Тақий Усмоний ҳазратлари Ўзбекистон мусулмонлар идорасига ташриф буюрдилар
Шайх Муҳаммад Тақий Усмоний ҳазратлари Ўзбекистон мусулмонлари идораси раиси муфтий Усмонхон Алимов билан учрашдилар.
Меҳмонлар муфтий Усмонхон Алимов бошчилигидаги Ўзбекистон мусулмонлари идораси ходимлари томонидан илиқ кутиб олиндилар.
Учрашув давомида яқин истиқболда амалга оширилиши кўзда тутилган илмий ҳамкорлик масалалари кенг муҳокама қилинди.
Шундан сўнг, Шайх Муҳаммад Тақий Усмоний ҳазратлари бошчилигидаги делегация Имом Бухорий номидаги Ислом институтига ташриф буюришди.
Тадбир давомида Ислом институти мударрис ва талабалари билан илмий-маърифий суҳбат ўтказилди. Учрашувда Шайх Муҳаммад Тақий Усмоний ҳазратлари томонидан илми толибларга талаби илм борасида қимматли маслаҳат ҳамда кўрсатмалар берилди.
Тадбир давомида институти мадаррис ва талабалари билан илмий-маърифий суҳбат ўтказилди. Учрашувда Шайх Муҳаммад Тақий Усмоний ҳазратлари томонидан илми толибларга талаби илм борасида қимматли маслаҳат ҳамда кўрсатмалар берилди.
Хусусан, Муҳаммад Тақий Усмоний ҳафизаҳуллоҳ бир вақтлар аждодлари дунёга устозлик қилган ўзбек халқидан, бир кун келиб яна ана шундай забардаст алломалар чиқишига умид билдира туриб, бунинг учун ҳар бир илми толиб бу борада сўзда эмас, балки амалда ғайрату шижоат қилишлари лозимлигини таъкидлаб ўтдилар.
Шу ўринда шайх, муфтий Муҳаммад Тақий Усмоний ҳазратлари «Hilol-nashr» нашриёт-матбааси раҳбарияти таклифига биноан юртимизга ташриф буюрганларини эслатиб ўтиш, мақсадга мувофиқдир.
Islom.uz портали таҳририяти
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
