Сила ибн Зуфар ал-Абасий, кунялари Абу Аъло. Баъзилар у кишини Абу Бакр ал-Куфий деб ҳам атайдилар. 

Бу зот ишончли ҳадис ривоят қилувчи улуғ тобеъинларнинг катта уламоларидан ҳисобланадилар. Расулуллоҳ соллаллоҳу алайҳи васалламнинг ҳадиси шарифларини Аммор ибн Ёсир, Ҳузайфа ибн Ямон, Ибн Масъуд, Али, Ибн Аббос розияллоҳу анҳумлар орқали ривоят қиладилар. Бу зот ҳижратнинг 70-йиллари атрофида вафот этганлар.