Тўлиқ исмлари Робийъа ибн Каъб ибн Молик ибн Яъмур ал-Ас­ламий, кунялари – Абу Фирос. Бу киши Ҳижоз аҳлидан бўлиб, улуғ саҳобалардан ҳисобланар эдилар. 

Робийъа ибн Каъб розияллоҳу анҳу суффа аҳлидан эдилар. Расулуллоҳ соллаллоҳу алайҳи васалламдан бир неча ҳадислар ривоят қилдилар. Бу кишидан Абу Салама ибн Абдурраҳмон, Ханзала ибн Амр, Абу Имрон ал-Жуъфийлар ривоят қилганлар.